TV
సన్నీలియోన్ స్థానంలో ప్రియాంక
బాలీవుడ్‌లో విమర్శలను, ప్రశంసలను సమపాళ్లలో అందుకున్న నటి ప్రియాంక చోప్రా మరో అరుదైన గౌరవాన్ని సొంతం చేసుకున్నారు.
బాలీవుడ్‌లో విమర్శలను, ప్రశంసలను సమపాళ్లలో అందుకున్న నటి ప్రియాంక చోప్రా మరో అరుదైన గౌరవాన్ని సొంతం చేసుకున్నారు. దేశంలోనే పేరెన్నిగన్న సైబర్ సెక్యూరిటీ సిస్టమ్ నిర్వహించిన సర్వేలో దేశంలోనే అంత్యంత సంచలనాత్మక సెలబ్రిటీగా నిలిచారు ప్రియాంక. అంతకు ముందు ఈ స్థానం పోర్న్‌స్టార్ సన్నీలియోన్‌ది కావడం గమనార్హం.
తమకు ఇష్టమైన తారల వివరాలను తెలుసుకోవడం కోసం అభిమానులు ఇంటర్నెట్ ద్వారా చేసే ప్రయత్నా లనే లెక్కించి... అత్యధికంగా ఏ సెలబ్రిటీ గురించి తెలుసుకోవడానికి అభిమానులు ఆసక్తి చూపించారో...వారిని నంబర్‌వన్‌గా పరిగణించడం జరుగుతుందని సైబర్ సెక్యూరిటీ సిస్టమ్ ప్రతినిధి ముంబయ్‌లో జరిగిన ఓ సమావేశంలో వెలిబుచ్చారు.
గత ఏడాది సన్నీలియోన్ నంబర్‌వన్ స్థానాన్ని దక్కించుకోగా, ఈ ఏడాది ఆమెను వెనక్కినెట్టి ప్రియాంక ఆ స్థానాన్ని సొంతం చేసుకున్నారు. రెండు మూడు స్థానాల్లో షారుక్, సల్మాన్‌లు నిలవడం గమనార్హం. దీని గురించి ప్రియాంక స్పందిస్తూ -‘‘నన్నింతగా అభిమానిస్తున్న అభిమానులకి జీవితాంతం రుణపడి ఉంటాను. మీ అభిమానం ఎప్పుడూ ఇలాగే ఉండాలి’’ అని ఆనందం వ్యక్తం చేశారు.
