జస్ట్‌ ఫ్రెండ్‌.. అంతే!

నిధీ అగర్వాల్‌

రెండు మూడు రోజుల నుంచి బీటౌన్లో ఒకటే గుసగుస. హీరోయిన్‌ నిధీ అగర్వాల్‌ డేటింగ్‌ గురించి. క్రికెటర్‌ కేఎల్‌ రాహుల్‌తో ఆమె డేటింగ్‌లో ఉన్నారని ఈ గుసగుసల సారాంశం. అయితే ఈ గుసగుసల్లో ఏ మాత్రం నిజం లేదంటున్నారు నిధీ అగర్వాల్‌. ‘‘రాహుల్‌ నాకు జస్ట్‌ ఫ్రెండ్‌ మాత్రమే. అతను క్రికెటర్‌ కాకముందునుంచి నాకు తెలుసు. నేను హీరోయిన్‌ కాకముందే అతనికి నేను తెలుసు. అందుకని మాట్లాడుకుంటుంటాం.

అంత మాత్రాన మా మధ్య ఏదో ఉన్నట్లేనా? రాహుల్‌ది కూడా బెంగళూరునే’’ అని చెప్పుకొచ్చారు ఈ మంగుళూరు బ్యూటీ. నిధీ అగర్వాల్‌ మూలాలు హైదరాబాద్‌లో ఉన్నప్పటికీని, ఆమె చదువుకుంటూ పెరిగింది మాత్రం బెంగళూరులోనే. ఆ సంగతి అలా ఉంచితే... నాగచైతన్య హీరోగా చందూ మొండేటి దర్శకత్వంలో రూపొందుతోన్న ‘సవ్యసాచి’ చిత్రంలో నిధీ కథానాయికగా నటిస్తున్నారు. త్వరలో రిలీజ్‌ కానున్న ఈ సినిమాతోనే నిధీ టాలీవుడ్‌కు పరిచయం కానున్నారు.