ప్లాస్టిక్ను తినేసే బాక్టీరియా గుర్తింపు! | Scientists discover bacteria that eats plastic | Sakshi
Sakshi News home page

ప్లాస్టిక్ను తినేసే బాక్టీరియా గుర్తింపు!

Mar 12 2016 11:39 AM | Updated on Sep 3 2017 7:35 PM

ప్లాస్టిక్ను తినేసే బాక్టీరియా గుర్తింపు!

ప్లాస్టిక్ను తినేసే బాక్టీరియా గుర్తింపు!

పాస్టిక్ వ్యర్థాలను నిర్వీర్యం చేయడం తలకుమించిన భారంగా పరిణమించిన నేపథ్యంలో శాస్త్రవేత్తలు తీపికబురు అందించారు.

వాషింగ్టన్: పాస్టిక్ వ్యర్థాలను నిర్వీర్యం చేయడం తలకుమించిన భారంగా పరిణమించిన నేపథ్యంలో శాస్త్రవేత్తలు తీపికబురు అందించారు. జపాన్లోని క్యోటో యూనివర్సిటీ పరిశోధన బృందం ఇడియోనెల్లా సాకైన్సిస్ అనే బాక్టీరియాను కనుగొన్నారు. కేవలం రెండు ఎంజైమ్ల సహాయంతో ఈ బాక్టీరియా పాలీఇథిలిన్ టెరిప్తలేట్(పీఈటీ)ను సమర్థవంతంగా విచ్ఛిన్నం చేస్తుందని వారు గుర్తించారు. పీఈటీని బాటిల్స్, వస్త్ర పరిశ్రమలో విరివిగా ఉపయోగిస్తారు. ఒక్క 2013లోనే ప్రపంచవ్యాప్తంగా 56 మిలియన్ టన్నుల పీఈటీ ఉత్పత్తి జరిగిందంటే పర్యావరణానికి ఇదెంత హానికారో తెలుస్తుంది.

ఈ బ్యాక్టీరియా గుర్తింపుతో ప్లాస్టిక్ను నిర్వీర్యం చేసే సూక్ష్మ జీవులను గుర్తించడం కోసం ఐదేళ్లుగా చేస్తున్న కృషి విజయవంతమైందని శాస్త్రవేత్తలు పేర్కొన్నారు. ప్లాస్టిక్ను విచ్ఛిన్నం చేసే శిలింద్రాలను గతంలోనే పరిశోధకులు గుర్తించారు. అయితే ఈ తరహా బాక్టీరియాను గుర్తించడం మాత్రం ప్రపంచంలో ఇదే మొదటిసారని సైన్స్ జర్నల్లో వెల్లడించారు. 30 డిగ్రీల ఉష్ణోగ్రతలో ఈ బాక్టీరియా సమర్థవంతంగా పీఈపీని నిర్వీర్యం చేస్తుందని శాస్త్రవేత్తలు గుర్తిచారు. ప్లాస్టిక్ డీకంపోజింగ్ ఎంజైమ్ల తయారీ కోసం ఇడియోనెల్లా సాకైన్సిస్ డీఎన్ఏపై శాస్త్రవేత్తలు పరిశోధనలు జరుపుతున్నారు.
 

Advertisement

Related News By Category

Related News By Tags

Advertisement
 
Advertisement

పోల్

Advertisement