ఆయుధాలుంటే చాలదా, ఔషధాలెందుకు?

Madabhushi Sridhar Article On Corona Crisis In America - Sakshi

విశ్లేషణ

ప్రపంచాన్ని గడగడలాడించే భయానక మారణాయుధాల సంపదలో అమెరికాకు అమెరికాయే సాటి. అణ్వస్త్రాలు ప్రయోగించి రెండున్నర లక్షల మానవులను హననం చేసిన ఘనచరిత్ర కూడా అమెరికాదే. అణ్వస్త్రాలకు పోటీ పెంచి, విశ్వ విధ్వంస రచన చేస్తున్న అమెరికా యుద్ధ, మార్కెట్‌ రాజకీయాల ఒత్తిడితో ప్రకృతి తల్లడిల్లిపోతున్నది. భూమండలం మీద ప్రకృతిని చాలా లోతుగా, విస్తారంగా, వేగంగా తన వ్యాపారానికి వినియోగించుకునే అతి పెద్ద అమానవీయ వ్యాపారి అమెరికా. రెండు ఖండాలు విస్తరించిన రాజ్యం. భారతదేశానికి మూడింతలు పెద్దభూభాగం. మనలో మూడోవంతు మాత్రమే జనం. ప్రపంచమంతా పెట్టుబడి, చేతి నిండా ఆయుధాలు, అణుబాంబులు, క్షిపణులతో పెద్ద మృత్యుబేహారి అమెరికా. 2018 ర్యాంకుల ప్రకారం అమెరికా మారణాయుధాలు అమ్ముకునే దేశాల్లో అగ్రస్థానంలో ఉంది. ఆ దేశం 10,508 మిలియన్‌ డాలర్ల ఆయుధాలు ఎగుమతి చేస్తుంది. రెండో స్థానం 6,409 డాలర్లు సంపాదించే రష్యాది. 1,040 డాలర్లతో చైనా ఏడో స్థానంలో ఉంది. 3. ఫ్రాన్స్‌ (1,768), 4. జర్మనీ (1,277), 5. స్పెయిన్‌ 1,188, 6. దక్షిణ కొరియా 1,083, 8. యునైటెడ్‌ కింగ్‌డమ్‌ 741, 9. ఇజ్రాయెల్‌ 707, 10. ఇటలీ (611) దేశాలు ఏటా మిలియన్లకొద్దీ డాలర్లు సంపాదిస్తున్నాయి.

మిగతా దేశాలు తిండికి లేకపోయినా, రోగాలు చంపుతున్నా, దారిద్య్రం నిరక్షరాస్యత, నిరుద్యోగంతో కొట్టుమిట్టాడుతున్నా, ఏవో కారణాల మీద ఆయుధాలు కొనుక్కుంటూ, యుద్ధాలు చేసుకుంటున్నాయి. దారిద్య్రాన్ని జయించలేని దరి ద్రులు, అందరికీ చదువుచెప్పలేని రాజమూర్ఖులు, దొంగమాటలు, మాయమాటలు చెప్పుకుంటూ, మతాలకు, కులాలకు మధ్య పచ్చగడ్డి వేస్తే భగ్గుమనే వైషమ్యాలు పంచిపెడుతున్నాయి. చైతన్యవంతంగా ఉండవలసిన పౌరులు మెదళ్ల గూళ్లలో బూజు పెంచుకుంటూ, ఓట్లమ్ముకుంటూ, అబద్ధాల ఫేక్‌ న్యూస్‌ నమ్ముతూ, పాలకులకు భజన చేస్తూ ఉంటే, వాళ్ల ఓట్లతో అధికారంలోకి వచ్చి అమెరికా వంటి దేశాల దగ్గర ఆయుధాలు కొనుక్కుంటున్నాయి. ఆయుధ, వ్యాపారాలకు అగ్రరాజ్యాలు బానిసలైతే ఆ అగ్రరాజ్యానికి బానిసత్వం చేసే దేశాలు, వాటి బానిస పాలకులు, లోటు పూడ్చడానికి వేరే పార్టీల బానిస ఎంపీలను, ఎమ్మెల్యేలను కొనుక్కుంటూ, అంకెల ఆధిక్యతతో, స్వతంత్ర ప్రజాస్వామ్య పాలకులుగా చెలామణి అవుతున్నారు. వారి వల్ల దేశాలు అస్తిత్వం కోల్పోయి అగ్రరాజ్యాలకు బానిసలౌతున్నాయి. 

ప్రకృతిని డాలర్లుగా మార్చుకునే పెట్టుబడిలో, వ్యాపార తెలివితేటల్లో, ఆయుధ కండబలంలో అమెరికాకు ఎదురులేదు. అది అత్యంత సంపన్నదేశాల్లో ఒకటి. ప్రపంచాన్ని దారుణంగా కలుషితం చేసే పదింటిలో ముఖ్యమైంది. ప్రపంచంలో 15 శాతం మరణాలకు కాలుష్యం కారణం. ఆ తిలాపాపంలో అమెరికాదే సింహభాగం. యుద్ధాల్లో హింసలో కన్న 15 రెట్లు ఎక్కువ మంది కాలుష్యానికి చనిపోతున్నారు.  భారతదేశంలో అన్నిదేశాల్లో కన్న ఎక్కువగా– 23 లక్షల 26వేల 771 మంది కాలుష్యంతో మరణించారు. చైనా 18.6 లక్షలతో రెండో స్థానంలో ఉంది. వాయుకాలుష్యంలో అమెరికా ముందంజలో ఉంది. ఒబామా కాలంలో కాలుష్యం పెరుగుతూ పెరుగుతూ, ట్రంప్‌ వచ్చిన తరువాత ఇంకా విధ్వంసకరంగా పెరిగిందని 2019 అక్టోబర్‌లో ఒక అధ్యయనం  ప్రకటించింది.  ఇక ఎక్కువ కాలుష్యాన్ని పరిశ్రమల్లో ఉత్పత్తి లాగా పెంచి పంచుతున్న దేశాల్లో తొలి స్థానం చైనాది. ప్రపంచంలో 30 శాతం డయాక్సయిడ్‌లను చైనాలోని 5 రాష్ట్రాలు సరఫరా చేస్తున్నాయట. ఇక చైనా కాలుష్యంలో సగం అంటే  15 శాతం పంచుతూ అమెరికా రెండో స్థానంలో ఉంది. మనం చైనా, అమెరికా సూపర్‌ పవర్‌ పక్కన ఉంటామో లేదో గాని కాలుష్యంలో మాత్రం ఈ రెండు దేశాల తరువాత మూడోస్థానం మనదే అని 58 అంగుళాల ఛాతీ పెంచుకోవచ్చు. ప్రపంచంలో ఏడు శాతం కాలుష్యం మనమే ఉత్పత్తి చేస్తున్నాం. ప్రపంచం మొత్తం మీద 15 భయానక కాలుష్యనగరాలు ఉంటే అందులో 14 నగరాలు మనవే. మనం మహాన్‌ అనుకుని గర్వించవచ్చు. కాగా 5 శాతం కాలుష్యంతో రష్యా, 4 శాతంతో జపాన్‌ మన వెనకే. 

ఏలెక్కలో చూసినా అమెరికా చైనా అగ్రదేశాలే, చిన్నదేశాలమీద విరుచుకుపడే ఉగ్రదేశాలే. ప్రాణాలు తీసే ఆయుధ సంపత్తి పెంచుకున్నాయి, మందు (ఆల్కహాల్‌) ఉత్పత్తి పెంచుకున్నాయి కాని, రోగుల్ని బతికించుకునే మందులమీద దృష్టి పెట్టలేదు. క్లోరోక్విన్‌ కోసం భారత్‌ను అనేక దేశాలు అభ్యర్థిస్తున్నాయి. మనం ఎంత గొప్ప శాస్త్రవేత్తలమయినా దోమలను ఏమీ చేయలేం. దోమలు పంచే మలేరియా కోసం మందులు తయారు చేస్తున్నాం. ఆ విధంగా మనదేశంలో దోమలు, మలేరియా మందులు నిరంతరం వృద్ధి చెందుతున్నాయి. కరోనాకు  హైడ్రాక్సీ క్లోరోక్విన్, సరైన మందో కాదో తెలియకపోయినా, అది తప్ప మరో మందు పనిచేయడం లేదు కనుక, అందరికీ అవసరమైంది. ఇవ్వనంటే భారత్‌ను ట్రంప్‌ బెదిరించాడని వార్త ప్రచారంలో ఉంది. అతి తెలివి మీడియా వారు మసిపూసి మారేడుకాయ చేసారనే వార్త కూడా వచ్చింది. ఎప్పుడైనా మనిషికి కావలసింది బతికించే మందులు కాని, చంపేసే ఆయుధాలు, ‘మందు’ కాదని అమెరికా చైనా వంటి అగ్రరాజ్యాలతో బాటు మన నగరాల్లో మందుబాబులకు ఎప్పుడు తెలుస్తుందో ఏమో?

మాడభూషి శ్రీధర్‌
వ్యాసకర్త బెన్నెట్‌ యూనివర్సిటీ ప్రొఫెసర్,
కేంద్ర సమాచార మాజీ కమిషనర్‌

Read latest Guest Columns News and Telugu News | Follow us on FaceBook, Twitter

మరిన్ని వార్తలు

05-06-2020
Jun 05, 2020, 00:23 IST
‘ఎక్స్‌ప్రెస్‌ రాజా’ (2016), ‘జెంటిల్‌మేన్‌’ (2016), ‘ఒక్కక్షణం’ (2017) చిత్రాల్లో మంచి నటన కనబరచి ప్రేక్షకుల చేత మంచి మార్కులు...
05-06-2020
Jun 05, 2020, 00:12 IST
కరోనా ప్రభావం రోజు రోజుకీ పెరుగుతోంది. ఈ విపత్కర వ్యాధి ప్రబలకుండా యావత్‌ దేశాలు శక్తి మేర కృషి చేస్తున్నాయి....
04-06-2020
Jun 04, 2020, 21:34 IST
సాక్షి, హైదరాబాద్‌: తెలంగాణలో కొత్తగా 127 కరోనా పాజిటివ్‌ కేసులు నమోదయ్యాయి. దీంతో మొత్తం కేసుల సంఖ్య 3147కి చేరింది. తాజా కేసుల్లో...
04-06-2020
Jun 04, 2020, 20:23 IST
ముంబై: మహారాష్ట్రలో కరోనా వైరస్‌ విలయతాండవం కొనసాగుతోంది. గడిచిన 24 గంటల్లో రికార్డు స్థాయిలో 123 మంది కరోనా పేషెంట్లు మృత్యువాత...
04-06-2020
Jun 04, 2020, 19:20 IST
భోపాల్‌ : అచ్చం సినిమా సీన్‌ తరహాలో పరిగెడుతున్న రైలులో పాల కోసం గుక్కపట్టి ఏడుస్తున్న ఒక నాలుగేళ్ల చిన్నారికి పాల...
04-06-2020
Jun 04, 2020, 17:56 IST
న్యూఢిల్లీ: నిబంధనలకు విరుద్ధంగా భారత్‌లో ప్రవేశించిన దాదాపు 960 మంది తబ్లిగీ జమాత్‌ విదేశీ సభ్యులకు కేంద్ర హోం మంత్రిత్వ...
04-06-2020
Jun 04, 2020, 17:46 IST
సాక్షి, అమరావతి : కోవిడ్‌ - 19 నివారణలో భాగంగా సహాయచర్యల కోసం ముఖ్యమంత్రి సహాయనిధికి పెద్ద ఎత్తున విరాళాలు...
04-06-2020
Jun 04, 2020, 17:21 IST
సాక్షి, న్యూఢిల్లీ : ‘భారత్‌లో ఆహారం కొరత కారణంగా కరువు కాటకాలు ఏర్పడటం లేదు. కార్మికులకు కొనే శక్తి కరువైనప్పుడు...
04-06-2020
Jun 04, 2020, 15:30 IST
సాక్షి, విజయవాడ : కేంద్ర మార్గదర్శకాల ప్రకారం జూన్‌ 8వ తేదీ నుంచి రాష్ట్రంలో హోటళ్లు, రెస్టారెంట్లు ప్రారంభించేందుకు ఏపీ...
04-06-2020
Jun 04, 2020, 15:26 IST
సాక్షి, న్యూఢిల్లీ : అది మే 23వ తేదీ. ఆ రోజు ఉదయం నుంచి సాయంత్రం వరకు కబీర్‌ కత్రి...
04-06-2020
Jun 04, 2020, 14:19 IST
సాక్షి, హైదరాబాద్‌ : కరోనా బారిన పడిన తన భర్తను వైద్యులు గాంధీ ఆస్పత్రికి తరలించారని, అయితే ఇప్పటి వరకు తనకు ఎటువంటి సమాచారం...
04-06-2020
Jun 04, 2020, 14:00 IST
సాక్షి, హైదరాబాద్‌ : కరోనా వైరస్‌ బాధితుడి ఇంటికి కన్నం వేశారు దొంగలు. ఈ సంఘటన అల్వాల్‌ పోలీస్‌ స్టేషన్‌...
04-06-2020
Jun 04, 2020, 13:49 IST
ఆలేరు రూరల్‌:  మండలంలోని కొల్లూరు గ్రామానికి చెందిన ఓ మహిళకు బుధవారం కరోనా పాజిటివ్‌ నిర్ధారణ అయింది. మండల వైద్యాధికారిణి...
04-06-2020
Jun 04, 2020, 12:58 IST
హైదరాబాద్‌: దేశంలోకెల్లా ప్రసిద్ధి గాంచిన రీసర్చ్‌ ఇన్‌స్టిట్యూట్‌కు చెందిన పలువురు శాస్త్రవేత్తలు కరోనా వైరస్‌కు సంబంధించి కొన్ని దిగ్భ్రాంతికర విషయాలను...
04-06-2020
Jun 04, 2020, 11:00 IST
నాంపల్లి: నగరంలో కరోనా పాజిటివ్‌ వచ్చిన ముగ్గురు జర్నలిస్టులకు ఒక్కొక్కరికి రూ.20 వేల  చొప్పున ఆర్థికసాయం అందించనున్నట్లు  తెలంగాణ ప్రెస్‌...
04-06-2020
Jun 04, 2020, 10:48 IST
వాషింగ్టన్‌: అమెరికా పోలీసుల చేతిలో నరహత్యకు గురైన నల్లజాతీయుడు జార్జ్ ఫ్లాయిడ్‌ పూర్తి శవపరీక్ష నివేదికను వైద్యులు బుధవారం విడుదల...
04-06-2020
Jun 04, 2020, 10:30 IST
భారత్‌లో గత కొద్దీ రోజులుగా కరోనా కేసులు గణనీయంగా పెరుగుతున్నాయి.
04-06-2020
Jun 04, 2020, 10:22 IST
సాక్షి,  ముంబై: కరోనా వైరస్ మహమ్మారి సంక్షోభంతో ఆదాయాలను కోల్పోయిన పలు సంస్థలు ఉద్యోగాల కోత, వేతనాలు తగ్గింపు లాంటి నిర్ణయాలు...
04-06-2020
Jun 04, 2020, 09:57 IST
ఢిల్లీ : భార‌త ర‌క్ష‌ణ శాఖలో కరోనా క‌ల‌క‌లం రేగింది. గ‌త కొన్ని రోజులుగా అనారోగ్యంగా ఉన్న ర‌క్ష‌ణశాఖ కార్య‌ద‌ర్శి...
04-06-2020
Jun 04, 2020, 09:32 IST
ఢిల్లీ: బస్సులు, రైళ్లు, విమానాల ద్వారా ఇతర రాష్ట్రాల నుంచి దేశ రాజధానికి వచ్చేవారు ఖచ్చితంగా వారం రోజుల పాటు హోం...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top