తలకిందులుగా ఎగిరిన జాతీయ జెండా

మద్దూరు : మండల కేంద్రంలోని తహసీల్దార్‌ కార్యాలయం వద్ద జాతీయ జెండా ఆవిష్కరణ సందర్భంగా అపశృతి చోటు చేసుకుంది. తహసీల్దార్‌ కార్యాలయం ముందు తహసీల్దార్‌ అయిలయ్య జాతీయ జెండాను ఎగురవేసే క్రమంలో సరిగ్గా గమనించలేదు. దీంతో జెండా తలకిందులుగా ఎగిరింది. ఈ మేరకు అక్కడ ఉన్న ఉద్యోగులు స్పందించి జెండాను కిందకు దించి సరిచేశాక మళ్లీ ఆవిష్కరించారు. కార్యక్రమంలో ఎంపీపీ మంద మాధవి, జెడ్పీటీసీ నాచగోని పద్మ, పీఏసీఎస్‌ చైర్మన్‌ కామిడి రమేష్‌రెడ్డి, కొమురవెళ్లి ఆలయపాలక మండలి చైర్మన్‌ కృష్ణారెడ్డి, డీసీసీ కార్యదర్శి గిరి కొండల్‌రెడ్డి, ఎస్సై తిరుపతి తదితరులు పాల్గొన్నారు.