పట్టపగలే దోచుకుపోయారు

నల్లాకులవారిపాలెం (పెరవలి) : చుట్టూ నివాసాలు, రద్దీగా ఉండే సెంటర్, జాతీయ రహదారి పక్కనున్న ఇంట్లో పట్టపగలే దొంగలు పడి ఉన్నదంతా దోచుకుపోయారు. చోరీలో 25 కాసుల బంగారం, అరకిలో వెండి, రూ.3 లక్షల నగదు అపహరణకు గురయ్యాయి. వివరాలు ఇలా ఉన్నాయి.. పెరవలి మండలం నల్లాకులవారిపాలెంలో ర్యాలి వేణుగోపాల దొరయ్యనాయుడు ఇంట్లో చోరీ జరిగింది. తణుకులో తన అక్క ఆరోగ్యం బాగోలేదని ఫోన్‌ రావటంతో దొరయ్యనాయుడు దంపతులు, తల్లితో కలిసి మధ్యాహ్నం 1 గంట సమయంలో బయలుదేరారు. సాయంత్రం 5 గంటలకు ఇంటికి తిరిగి వచ్చారు. అప్పటికే ఇంటి తలుపుల తాళాలు పగలు కొట్టి ఉన్నాయి. దీంతో వీరు కంగారుగా లోనికి వెళ్లి చూడగా బీరువా తెరిచి ఉంది. గదిలో సామాన్లు చిందరవందరగా పడి ఉన్నాయి.