ఒకరితో ప్రేమ మరొకరితో సహజీవనం

బంజారాహిల్స్‌: ప్రేమించాడు.. పెళ్లి చేసుకుంటానని మభ్యపెట్టి సహజీవనం చేస్తున్నాడు. అదే సమయంలో తన స్నేహితురాలిని చూడటానికి వచ్చిన యువతిపై కన్నేసి ఆమెను కూడా లోబర్చుకున్నాడు. గుట్టు రట్టయ్యేసరికి పోలీసులకు చిక్కాడు. బంజారాహిల్స్‌ పోలీస్‌ స్టేషన్‌ పరిధిలో చోటు చేసుకున్న ఘటన వివరాలు.. బంజారాహిల్స్‌ రోడ్‌ నంబర్‌12లోని శ్రీరాంనగర్‌లో నివసించే ప్రేమ్‌కుమార్‌(26) నిరుద్యోగి. నాలుగు నెలల క్రితం టి.స్రవంతి (26) అనే స్థానికురాలితో పరిచయం కాస్తా ప్రేమకు దారి తీసింది.

పెళ్లి చేసుకుంటానని చెప్పడంతో ఆయనతో సహజీవనం చేయసాగింది.ఇదే సమయంలో ఆమె స్నేహితురాలు ప్రియాచౌదరితో కూడా సన్నిహితంగా మెలగసాగాడు. ఇదేమిటని ప్రశ్నించినందుకు చంపేస్తానంటూ హెచ్చరించడమే కాకుండా రెండు రోజులక్రితం తీవ్రంగా కొట్టాడు. బాధితురాలి పిర్యాదు మేరకు ప్రేమ్‌కుమార్‌పై పోలీసులు  కేసు నమోదు చేసి దర్యాప్తు చేపట్టారు.