రుణ రేటు తగ్గించిన యాక్సిస్‌ బ్యాంక్‌

రుణ రేటు తగ్గించిన యాక్సిస్‌ బ్యాంక్‌

న్యూఢిల్లీ: ప్రైవేటు రంగంలోని మూడవ దిగ్గజ బ్యాంక్‌– యాక్సిస్‌ బ్యాంక్‌ మార్జినల్‌ కాస్ట్‌ ఆఫ్‌ ఫండ్స్‌ ఆధారిత రుణ రేటును (ఎంసీఎల్‌ఆర్‌) 0.1 శాతం నుంచి 0.15 శాతం శ్రేణిలో తగ్గించింది. శనివారం నుంచీ తగ్గించిన రుణరేట్లు అమల్లోకి వస్తాయని ఒక రెగ్యులేటరీ ఫైలింగ్‌లో తెలిపింది. ఓవర్‌నైట్‌ టెన్యూర్‌ విషయంలో 10 బేసిస్‌ పాయింట్లు, మిగిలిన అన్ని కాలపరిమితులపై 15 బేసిస్‌ పాయింట్లు (100 బేసిస్‌ పాయింట్లు ఒకశాతం)తగ్గించినట్లు బ్యాంక్‌ పేర్కొంది. నిర్దిష్ట కాలానికి నిధుల సమీకరణ వ్యయాల ప్రాతిపదికన ఎంసీఎల్‌ఆర్‌ నిర్ణయం జరుగుతుంది. సాధారణంగా నెలకు ఒకసారి ఈ రేట్ల సమీక్ష ఉంటుంది. ఈ ఏడాది జూన్‌ నుంచీ ఈ తాజావిధానం అమల్లోకి వచ్చింది.