TV
ఎమ్మెల్యే చంద్రావతిని అరెస్ట్ చేసిన పోలీసులు
ఖమ్మం జిల్లా వైరా సీపీఐ ఎమ్మెల్యే చంద్రావతిని బుధవారం పోలీసులు అరెస్ట్ చేశారు.
ఖమ్మం : ఖమ్మం జిల్లా వైరా సీపీఐ ఎమ్మెల్యే చంద్రావతిని బుధవారం పోలీసులు అరెస్ట్ చేశారు. గత నెలలో అధికారుల తీరుకు నిరసనగా ఏన్కూరులో ఓ రాస్తారోకో కార్యక్రమంలో ఆమె పాల్గొన్నారు. ఆ సందర్భంగా చంద్రావతిపై పోలీసులు కేసు నమోదు చేశారు. ఆ కేసుకు సంబంధించి ఆమెను పోలీసులు అదుపులోకి తీసుకున్నారు. కాగా ఈసారి ఎన్నికల్లో వైరా నియోజకవర్గం నుంచి చంద్రావతికి సీపీఐ టికెట్ నిరాకరించటంతో ఆమె తెలుగుదేశం పార్టీలో చేరనున్నట్లు సమాచారం.
