TV
అంబులెన్స్ ప్రమాదంలో నలుగురు మృతి
యలమంచిలి సమీపంలో అంబులెన్స్ బోల్తాపడిన ఘటనలో చిన్నారి సహా.. ముగ్గురు మృతి చెందారు.
విశాఖ జిల్లా యలమంచిలి సమీపంలో ఆదివారం మధ్యాహ్నం జరిగిన ఘోర రోడ్డు ప్రమాదంలో మృతుల సంఖ్య నాలుగురికి చేరింది. ఆదివారం మధ్యాహ్నం ఓ అంబులెన్స్ అదుపుతప్పి కాల్వలోకి దూసుకుపోవడంతో 10 నెలల శిశువుతోపాటు మరో ఇద్దరు అక్కడికక్కడే మృతి చెందగా, నలుగురు తీవ్రంగా గాయపడ్డారు. వీరిలో ఒకరు ఆస్పత్రిలో చికిత్స పొందుతూ మృతి చెందారు.
ఓ మృతదేహాన్ని అంబులెన్స్‌లో హైదరాబాద్ నుంచి ఒడిశాలోని కటక్‌కు తీసుకెళుతున్నారు. యలమంచిలి సమీపంలోకి రాగానే అంబులెన్స్ అదుపుతప్పి పక్కనే ఉన్న కాల్వలోకి పడిపోయింది. క్షతగాత్రులకు స్థానిక ప్రభుత్వ ఆస్పత్రిలో చికిత్స అందిస్తున్నారు. మృతుల్లో ఇద్దరు మహిళలు, ఓ పురుషుడు సహా ఓ చిన్నారి మృతి చెందారు. ఇందుకు సంబంధించి పూర్తి వివరాలు తెలియాల్సి ఉంది.
