ఫిర్యాదులపై సత్వరం స్పందించి న్యాయం చేయాలి

కడప అర్బన్‌ : ప్రజా ఫిర్యాదుల పరిష్కార వేదిక (పి.జి.ఆర్‌.ఎస్‌) లో ప్రజలు ఇచ్చే ఫిర్యాదుల పట్ల సత్వరం స్పందించి తగు చర్యలు తీసుకోవాలని జిల్లా ఎస్‌.పి ఈ.జి. అశోక్‌ కుమార్‌ పోలీసు అధికారులను ఆదేశించారు. స్థానిక జిల్లా పోలీసు కార్యాలయంలోని పెన్నార్‌ పోలీస్‌ కాన్ఫరెన్స్‌ హాలులో సోమవారం ’ప్రజా ఫిర్యాదుల పరిష్కార వేదిక’(పబ్లిక్‌ గ్రీవెన్స్‌ రిడ్రెస్సల్‌ సిస్టమ్‌)లో ఫిర్యాదుదారులతో ఎస్పీ స్వయంగా మాట్లాడారు. వారి సమస్యలను విని, సంబంధిత అధికారులకు ఫోన్‌ ద్వారా ఆదేశాలు జారీ చేశారు. ’ప్రజా ఫిర్యాదుల పరిష్కార వేదిక’ ఫిర్యాదులకు అత్యధిక ప్రాధాన్యత ఇవ్వాలని, నిర్ణీత సమయంలో వాటిని పరిష్కరించి బాధితులకు న్యాయం చేయాలని చెప్పారు. ఈ కార్యక్రమంలో అదనపు ఎస్పీ (అడ్మిన్‌) కె. ప్రకాష్‌ బాబు, డీటీసీ డీఎస్పీ అబ్దుల్‌ కరీం, మహిళా పోలీసు స్టేషన్‌ డీఎస్పీ రమాకాంత్‌ పాల్గొన్నారు.

జిల్లా ఎస్పీ ఈ.జి.అశోక్‌ కుమార్‌