రెవెన్యూ డే నాడే.. రెడ్‌హ్యాండెడ్‌గా..!

● రీ సర్వేలో గానీ, ఇతర అనేక భూ వ్యవహారాలకు సంబంధించిన రికార్డుల్లో తప్పులు నమోదు చేస్తోంది రెవెన్యూ వర్గాలేనని రైతులు పేర్కొంటున్నారు. ● ఆత్మకూరు మండలంలోని రామస్వామిపల్లి వాసి సుబ్బరాయుడికి మహిమలూరులో పొలముంది. అయితే ఆయనకు తెలియకుండానే పట్టా భూమిని నోషనల్‌ ఖాతాలో ఉంచారు. దీనికి కారణం వీఆర్వో అని తెలుస్తోంది. తన పట్టా పొలాన్ని నోషనల్‌ ఖాతా నుంచి తొలగించాలని కోరుతూ రెవెన్యూ అధికారుల చుట్టూ ఏడాదిగా తిరుగుతున్నా, ఆ ఫైల్‌ను కలెక్టరేట్‌కు ఇప్పటికీ పంపలేదు. లంచాలివ్వలేదనే ఉద్దేశంతోనే ఇలా వ్యవహరిస్తున్నారనే ఆరోపణలు గుప్పుమంటున్నాయి. ● ఆత్మకూరు మండలంలోని నల్లపరెడ్డిపల్లెకు చెందిన కరవళ్ల రవీంద్రరెడ్డి సైతం రీ సర్వేలో సర్వేయర్‌ చేసిన తప్పులను సరి చేయాలని తహసీల్దార్‌కు విన్నవించారు. ఇదే అంశమై కలెక్టరేట్లో అర్జీలనూ ఇటీవల అందజేశారు. అయినా సమస్యకు పరిష్కారం దొరకలేదు. అదే పైసలిచ్చి ఉంటే సత్వరమే పనులు జరిగేవని రెవెన్యూ ఉద్యోగులే పేర్కొన్నారని సమాచారం. ● బోగోలు మండలంలోని ఓ గ్రామానికి చెందిన మహిళా రైతుకు సంబంధించిన 16 సెంట్ల పట్టా పొలాన్ని రీ సర్వేలో అవతలి వారితో కుమ్మకై ్క బాటగా చూపారని తెలిసింది. ఇలాంటి ఘటనలు జిల్లాలో కోకొల్లలుగా ఉన్నాయి. ఇప్పటికై నా కలెక్టర్‌ జోక్యం చేసుకొని రెవెన్యూ వ్యవస్థను ప్రక్షాళన చేయాలని ప్రజలు కోరుతున్నారు.