ఉత్సాహంగా వినాయక ఉత్సవాలు

Sep 5 2025 5:46 AM | Updated on Sep 5 2025 5:46 AM

రాయగడ: పట్టణంలో వినాయక ఉత్సవాలు అంగరంగ వైభవంగా కొనసాగుతున్నాయి. నవరాత్రుల్లో భాగంగా స్థానిక న్యూకాలనీలో వినాయక చారిటబుల్‌ ట్రస్టు ఆధ్వర్యంలో జరుగుతున్న ఉత్సవాల్లో గురువారం లక్ష పుష్పార్చన పూజలు భక్తిశ్రద్ధలతో నిర్వహించారు. స్థానిక వేద పండితులు రేజేటి శ్రీనివాస్‌ శర్మ ఆధ్వర్యంలో జరిగిన ఈ పూజల్లో మహిళలు పాల్గొని పుష్పార్చన కార్యక్రమాలను నిర్వహించారు. ఈ సందర్భంగా వివిధ పిండివంటలను గణనాథునికి నైవేద్యంగా సమర్పించారు.

కొత్తపేటలో..

వినాయక ఉత్సవాలను పురస్కరించుకుని కొత్తపేటలో ఉత్సవ కమిటీ ఆధ్వర్యంలో బుధవారం రాత్రి వేషధారణలు ఆకట్టుకున్నాయి. పులివేషాలు, శక్తిరూపిణి, కాళి వంటి వేషాలతో నృత్యాలు ప్రేక్షకులను ఆకట్టుకున్నాయి.