కృష్ణానదికి మళ్లీ వరద

కృష్ణానదికి మళ్లీ వరద పెనమలూరు:కృష్ణా నదికి మళ్లీ వరద వస్తుంది. దీంతో కరకట్ట దిగువున ఉన్న నివాసితులు ఆందోళన చెందుతున్నారు. ఈ సీజన్‌లో కృష్ణానదికి పలుమార్లు వరద వచ్చింది. అయితే వరద ఉధృతి తక్కువగా ఉండటంతో కరకట్ట దిగువున ఉన్న ఇళ్లల్లోకి నీరు రాలేదు. ఒక దశలో వరద నీరు వస్తుందని అధికారులు నివాసితులను అప్రమత్తం చేశారు. అయితే కృష్ణానది శాంతించటంతో కరకట్ట దిగువున ఉండే నివాసితులు ఊపిరి పీల్చుకున్నారు. కాగా మరలా వరద రావటంతో ఈ సారి ఏమౌతుందోనని ఆందోళన వ్యక్తం చేస్తున్నారు. మండల పరిధిలోని యనమలకుదురు, పెదపులిపాక, చోడవరం ఘాట్‌లకు వరద నీరు చేరుకుంది. కట్ట అంచువరకు వరద నీరు వచ్చింది. పశువుల కాపర్లను, స్థానికులను నదిలోకి వెళ్ల వద్దని అధికారులు హెచ్చరికలు జారీ చేశారు. బాలికపై బ్లేడుతో దాడి