TV
జార్ఖండ్‌లో అబ్బాపూర్‌తండా వాసి మృతి
● మృతుడు పోస్టల్‌ ఉద్యోగి
నవీపేట: మండలంలోని అబ్బాపూర్‌ తండాకు చెందిన సభావాత్‌ శ్రీహరి(20) సోమవారం జార్ఖండ్‌లో జరిగిన నీటి ప్రమాదంలో మృతి చెందాడు. వివరాలు ఇలా ఉన్నాయి. అబ్బాపూర్‌ తండాకు చెందిన సభావత్‌ కై లాస్‌ కుమారుడు జార్ఖండ్‌ రాష్ట్రంలోని చక్రధర్‌ఫూల్‌ పరిధి ఒటాదిరి బ్రాంచ్‌లో పోస్టల్‌ అసిస్టెంట్‌గా విధులు నిర్వహిస్తున్నారు. సోమవారం ఆయన స్నేహితులతో కలిసి సమీపంలోని వాటర్‌ఫాల్‌కు వెళ్లాడు. స్నానం చేస్తుండగా ఒక్కసారిగా నీటి ప్రవాహం పెరిగి నీటమునిగాడు. ఊపిరాడకపోవడంతో మృతి చెందాడు. జార్ఖండ్‌ పోలీసులు మృతుడి తల్లిదండ్రులకు సమాచారం ఇచ్చారు. శ్రీహరి మృతితో అబ్బాపూర్‌తండాలో విషాదఛాయలు అలుముకున్నాయి.
ఖలీల్‌వాడి: నగరంలోని కంఠేశ్వర్‌ ప్రాంతంలో సోమ వారం జరిగిన రోడ్డు ప్రమాదంలో ఒకరు మృతి చెందినట్లు మూడో టౌన్‌ ఎస్సై హరిబాబు తెలిపారు. వి వరాలు ఇలా ఉన్నాయి. ఆగ్రాకు చెందిన సంతోష్‌(32) సోమవారం బైక్‌పై ఆర్మూర్‌ వైపు నుంచి నిజామాబాద్‌కు వస్తున్నాడు. కంఠేశ్వర్‌లోని అయ్య ప్ప స్వామి ఆలయ సమీపంలో ముందున్న ఓ స్కూల్‌ బస్సును బైక్‌ ఢీకొట్టింది. ఆ వెంటనే వెనుక నుంచి వచ్చిన ఆర్టీసీ బస్సు ఢీకొట్టడంతో బైక్‌పై ఉన్న సంతోష్‌ తలకు తీవ్రగాయాలయ్యాయి. హుటాహుటిన ఆస్పత్రికి తరలించగా పరీక్షించిన వైద్యులు అప్పటికే సంతోష్‌ మృతి చెందినట్లు ఎస్సై తెలిపారు. కేసు నమోదు చేసుకొని దర్యాప్తు చేస్తున్నట్లు పేర్కొన్నారు.
కామారెడ్డి క్రైం: అంగన్‌వాడీ కేంద్రం నుంచి ఇంటికి వస్తూ దారి మరిచి తప్పిపోయిన చిన్నారిని పట్టణ పోలీసులు గుర్తించి కుటుంబసభ్యులకు అప్పగించారు. ఈ ఘటన జిల్లా కేంద్రంలోని ఆర్‌బీనగర్‌ కాలనీలో సోమవారం చోటు చేసుకుంది. కాలనీకి చెందిన తూర్పాటి లక్ష్మి–చింటులకు 4 ఏళ్ల కుమార్తె సాయిపల్లవి ఉంది. ఆమె ప్రతిరోజు ప్రభుత్వ బాలుర ఉన్నత పాఠశాల సమీపంలోని అంగన్‌వాడీ కేంద్రానికి ఉదయం 10 గంటలకు వెళ్లి మధ్యాహ్నం 2.45 గంటలకు తిరిగి వచ్చేది. సోమవారం ఇంటికి వస్తుండగా దారి తప్పి ఎక్కడికో వెళ్లిపోయింది. బాలిక కనిపించకపోవడంతో ఆందోళనకు గురైన తల్లిదండ్రులు, అంగన్‌వాడీ కేంద్రం సిబ్బంది గాలించడంతోపాటు పోలీసులకు సమాచారం ఇచ్చారు. సిరిసిల్లా రోడ్డులోని యూనియన్‌ బ్యాంకు వద్ద ట్రాఫిక్‌ విధులు నిర్వహిస్తున్న కానిస్టేబుల్‌ శ్రీకాంత్‌ బాలికను చేరదీసి పట్టణ పోలీస్‌స్టేషన్‌కు తీసుకువచ్చాడు. పట్టణ ఎస్‌హెచ్‌వో నరహరి కుటుంబసభ్యులకు సమాచారం అందించి చిన్నారిని అప్పగించారు.
జార్ఖండ్‌లో అబ్బాపూర్‌తండా వాసి మృతి
జార్ఖండ్‌లో అబ్బాపూర్‌తండా వాసి మృతి
