అమితాబ్‌కు మరోసారి సర్జరీ.. ఆందోళనలో ఫ్యాన్స్‌
బాలీవుడ్‌ దిగ్గజ నటుడు అమితాబ్‌ బచ్చన్‌(78) మరోసారి సర్జరీ చేయించుకోబోతున్నారు. ఈ విషయాన్ని స్వయంగా ఆయనే తన బ్లాగులో వివరిస్తూ.. కొద్ది రోజులు బ్లాగ్‌కు దూరంగా ఉంటున్నానని ప్రకటించారు. బిగ్‌బీకి సర్జరీ అనేసరికి అభిమానులు ఆందోళన చెందుతున్నారు. అమితాబ్‌కు ఏమైంది.. అసలు సర్జరీ ఎందుకు? తన ఆరోగ్య పరిస్థితి ఇప్పుడు ఎలా ఉందంటూ సోషల్‌ మీడియాలో చర్చ మొదలైంది. అలాగే బిగ్‌బీ చేయించుకోబోయే శస్త్ర చికిత్స విజయవంతం కావాలంటూ అభిమానులు ప్రార్థనలు చేస్తున్నారు. త్వరగా కోలుకొని మళ్లీ సినిమాలు చేయాలని ఆశిస్తున్నామంటూ ట్వీట్లు చేస్తున్నారు.
కాగా, గతంలో కూడా బిగ్‌బీకి అనేకసార్లు సర్జరీ జరిగింది. 1982లో ‘కూలి’ సినిమా షూటింగ్‌ సమయంలో సర్జరీ చేయించుకొని నెలల తరబడి ఆస్పత్రిలో ఉన్నారు. 2005లో కడుపు నొప్పి తీవ్రతరం కావడంతో శస్త్ర చికిత్స జరిగింది. అబితాబ్‌ తాజాగా నటించిన చిత్రాలలో ‘ఝుండ్’ జూన్ 18న ‘చెహ‌రే’ ఏప్రిల్‌ 30న విడుదల కానున్నాయి.
*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి