జూలై నుంచి స్కౌట్స్‌ గైడ్స్‌ పరీక్ష శిబిరాలు

జూలై నుంచి స్కౌట్స్‌ గైడ్స్‌ పరీక్ష శిబిరాలు

హొసపేటె: తృతీయ సోపాన, తృతీయ చరణ్‌, సువర్ణ పంఖ్‌, నిపుణ తదితర స్కౌట్స్‌ అండ్‌ గైడ్స్‌ ప్రత్యేక పరీక్ష శిబిరాలు జూలై 3 నుంచి 5వ తేదీ వరకు నిర్వహిస్తున్నట్లు భారత్‌ స్కౌట్స్‌ అండ్‌ గైడ్స్‌ జిల్లా సంస్థ కార్యదర్శి పీ.మంజునాథప్ప తెలిపారు. నగరంలోని జిల్లా కార్యాలయంలో ఏర్పాటు చేసిన ప్రణాళిక కమిటీ సభ్యుల సమావేశంలో ఆయన మాట్లాడారు. తాలూకా, జిల్లా స్థాయిలో జరిగే పరీక్ష శిబిరాల్లో అన్ని స్కౌట్స్‌ గైడ్స్‌ చురుకుగా పాల్గొనాలన్నారు. ఇప్పటికే బ్యాడ్జ్‌ కమిటీని ఏర్పాటు చేశామన్నారు. జిల్లా, తాలూకా స్థాయిలో జరిగే పరీక్షలకు పూర్తి జ్ఞానం ఉండేలా సంబంధిత కమిటీ నియమించిన ఎగ్జామినర్ల నుంచి ప్రావీణ్యత పతక ధృవీకరణ పత్రంతో పాటు జిల్లా పతకాలను పొందేలా పిల్లలను ప్రోత్సహించాలన్నారు. అదే సమయంలో రాష్ట్ర సంస్థ స్థానిక సంస్థలకు ఇచ్చే గ్రాంట్లకు సంబంధించిన ఖాతాలను వెంటనే జిల్లా సంస్థకు అందజేశారు. 2024–25వ సంవత్సరంలో గ్రామ పంచాయతీలు, మునిసిపాలిటీల నుంచి సేకరించిన సహకార సమాచారం వార్షిక నివేదిక, వేసవి శిబిరంలో పిల్లల జాబితా, రాష్ట్ర అవార్డుకు దరఖాస్తు చేసుకున్న పిల్లల జాబితా, మూడవ దశకు అర్హులైన స్కౌట్‌ల జాబితాతో సహా సమావేశానికి సమర్పించారు. సమావేశంలో ప్రణాళికా సంఘం సభ్యులు మంగళగౌరి, జీఎం రాజశేఖర్‌, షెరీనా, గీతాంజలి గౌడ, శ్రీనివాస్‌, జోషి, నాగభూషణ్‌, స్థానిక సంస్థల కార్యదర్శులు తిండప్ప, మాదేష్‌, ఎల్‌.మూర్తి, బన్నిగౌడ, తిప్పేస్వామి, దౌలానాయక్‌, కుమారస్వామి, జిల్లా ఆర్గనైజర్‌ జీబీసీ పాటిల్‌ పాల్గొన్నారు.