TV
ఎస్పీ పైలట్‌ వాహనంలో ఆస్పత్రికి..
● ప్రమాదాన్ని గమనించి ఆగిన ఎస్పీ
● తన వాహనంలో ఆస్పత్రికి తరలింపు
సిరిసిల్లక్రైం: సిరిసిల్ల బైపాస్‌ రోడ్డులో ప్రమాదవశాత్తు గాయపడ్డ వ్యక్తిని ఎస్పీ మహేశ్‌ బీ గీతే తన పైలట్‌ వాహనంలో ఆస్పత్రికి పంపించారు. సోమవారం బైపాస్‌రోడ్డుపై వెళ్తున్న ఎస్పీకి ప్రమాదంలో గాయపడ్డ అశోక్‌నగర్‌కు చెందిన రఫీక్‌పాషా కనిపించారు. వెంటనే తన వాహనాన్ని నిలిపి క్షతగాత్రులను తన వాహనంలో సిరిసిల్లలోని ఆస్పత్రికి తరలింపజేశారు.
భవనం పైనుంచి తోయడంతో ఒకరు మృతి
చిగురుమామిడి: చిన్నముల్కనూర్‌ శివారులోని బ్రీ డింగ్‌ అండ్‌ హెచరీస్‌ ప్రైవేటు కంపెనీలో పేయింటింగ్‌ పనిచేస్తున్న దాసో సోరెన్‌ (32)ను తోటి పే యింటర్‌ భవనం పైనుంచి తోయడంతో కిందపడి చనిపోయాడు. ఇన్‌చార్జి ఎస్సై స్వాతి వివరాల ప్రకా రం.. సోరేన్‌ను 15 రోజుల క్రితం పశ్చిమ బెంగాల్‌ నుంచి కాంట్రాక్టర్‌ ఎస్‌కే.అర్షద్‌ పేయింటింగ్‌ వే సేందుకు తీసుకొచ్చాడు. ఇతనితోపాటు ముస్లింఖా న్‌ కూడా వచ్చాడు. ఆదివారం రాత్రి ఇద్దరు డబ్బుల విషయంలో గొడవపడ్డారు. మాటమాట పెరిగి ము స్లింఖాన్‌ సోరెన్‌ను భవనం పైనుంచి తోసేశాడు. తీవ్రంగా గాయపడిన సోరెన్‌ను 108లో కరీంనగర్‌ ఆసుపత్రికి తరలిస్తుండగా మార్గమధ్యలోనే చనిపోయాడు. సోమవారం శవపంచనామా చేశారు.
