సమన్వయంతో అభివృద్ధి సాధిద్దాం

సమన్వయంతో అభివృద్ధి సాధిద్దాం

బుధవారం శ్రీ 16 శ్రీ జూలై శ్రీ 2025

– 10లో u

సాక్షి ప్రతినిధి, కామారెడ్డి : జిల్లా యంత్రాంగం, ప్రజాప్రతినిధులు సమన్వయంతో పనిచేసి జిల్లాను అభివృద్ధి పథంలో నడిపించాలని పంచాయతీరాజ్‌, గ్రామీణాభివృద్ధి, మహిళా శిశు సంక్షేమ శాఖల మం త్రి సీతక్క సూచించారు. మంగళవారం కలెక్టర్‌ ఆశిష్‌ సంగ్వాన్‌ అధ్యక్షతన కలెక్టరేట్‌ సమావేశ మందిరంలో జిల్లా అభివృద్ధి సమీక్ష సమావేశం నిర్వ హించారు. జిల్లా ఇన్‌చార్జి మంత్రి సీతక్క, ఎంపీ సురేశ్‌ షెట్కార్‌, ప్రభుత్వ సలహాదారులు షబ్బీర్‌అలీ, పోచారం శ్రీనివాస్‌రెడ్డి, మహిళా శిశు సంక్షేమ శాఖ సెక్రెటరీ అనితా రామచంద్రన్‌, ఎమ్మెల్యేలు మదన్‌మోహన్‌రావు, లక్ష్మీకాంతారావు తదితరులు పాల్గొన్నారు. పలు శాఖలపై మంత్రి సమీక్షించారు. వివిధ శాఖల అధికారుల పనితీరుపై ఎమ్మెల్యేలు అసహనం వ్యక్తం చేశారు. ఈ సందర్భంగా మంత్రి మాట్లాడుతూ అధికారులు సమస్యలను పరిష్కరి స్తూ ప్రజల్లో మంచి పేరు తెచ్చుకోవాలని, మీరు మంచి చేస్తే ప్రభుత్వానికి మంచి పేరొస్తుందని పేర్కొన్నారు. సమస్య ఉందని తెలియగానే దాన్ని పరిష్కరించే ప్రయత్నం చేయాలన్నారు. ఒకవేళ సమస్య తీవ్రమైనదైతే ఉన్నతాధికారులు, ఎమ్మెల్యేలు, మంత్రుల దృష్టికి తీసుకురావడం ద్వారా అది జఠిలం కాకుండా చూడవచ్చన్నారు. అధికారులు బదిలీ అయినపుడు ప్రజలు కంటతడిపెట్టేలా పనితీరు ఉండాలన్నారు. ప్రజలకు, ప్రభుత్వానికి వారధిగా పనిచేయాలని సూచించారు. సీజనల్‌ వ్యాధుల విషయంలో అప్రమత్తంగా ఉండాలని, అధికారులు సమన్వయంతో పనిచేసి పల్లెలు, పట్టణాల్లో పారిశుద్ధ్య సమస్యను పరిష్కరించాలని మంత్రి ఆదేశించారు. తాగునీరు కలుషితం కాకుండా చూడాలన్నారు. నీటి ట్యాంకులను ఎప్పటికప్పుడు శుభ్రం చేయించాలని, డ్రెయినేజీల్లో మురికి పేరుకుపోకుండా చర్యలు తీసుకోవాలని సూచించారు. డెంగీ వ్యాధి ప్రబలకుండా పకడ్బందీ చర్యలు తీసుకోవాలని ఆదేశించారు. ప్రభుత్వ ఆస్పత్రుల్లో అవసరమైన మందులను సిద్ధంగా ఉంచుకోవాలన్నారు.

ఇళ్ల నిర్మాణాల్లో వేగం పెరగాలి..

లబ్ధిదారులు ఇందిరమ్మ ఇళ్లను వేగంగా నిర్మించుకునేలా అధికారులు చూడాలని మంత్రి సూచించారు. ఆర్థికంగా ఇబ్బందుల్లో ఉన్నవారికి సెర్ప్‌, డ్వాక్రాల ద్వారా రుణాలు ఇప్పించి సహకరించాలన్నారు. ఇసుక ఇబ్బందులను అధిగమించేందుకు లభ్యత ఉన్న ప్రాంతాల నుంచి ఇసుకను తక్కువ ధరలో అందించేలా చర్యలు తీసుకోవాలన్నారు. ఇంటి నిర్మాణం పనులు మొదలుపెట్టని వారితో మాట్లాడి వారిని ప్రోత్సహించాలన్నారు. పంచాయతీరాజ్‌ శాఖ ద్వారా మంజూరైన రోడ్ల నిర్మాణాలకు వెంటనే టెండర్లు పిలిచి పనులు త్వరితగతిన పూర్తి చేయాలని ఆదేశించారు. మహిళా శక్తి భవనాలను నవంబర్‌ 19న ప్రారంభించేందుకు సిద్ధం చేయాలన్నారు. అద్దె భవనాల్లో నడుస్తున్న అంగన్‌వాడీ భవనాల లెక్కలు తీయాలని, వాటికి సొంత భవనాలు నిర్మించేందుకు చర్యలు తీసుకుంటామని మంత్రి చెప్పారు. రాష్ట్రంలో 14,500 అంగన్‌వాడీ టీచర్లు, ఆయాల పోస్టులను భర్తీ చేయడానికి రెండు మూడు రోజుల్లో నోటిఫికేషన్‌ విడుదల చేయనున్నట్టు తెలిపారు. జిల్లాలో ఎరువుల కొరత తలెత్తకుండా చూడాలని అధికారులను ఆదేశించారు. జిల్లాలో క్రమం తప్పకుండా శానిటేషన్‌ పనులు చేపడుతున్నామని, వారంలో రెండు రోజులు డ్రైడే నిర్వహిస్తున్నామని కలెక్టర్‌ ఆశిష్‌ సంగ్వాన్‌ తెలిపారు. నిరుపేదలు ఇళ్లు నిర్మించుకునేలా ప్రోత్సహిస్తున్నామన్నారు. ఇందిరమ్మ ఇళ్ల నిర్మాణంలో రాష్ట్రంలో జిల్లా నాలుగో స్థానంలో ఉందన్నారు. ఇళ్లు నిర్మించుకోవడం ఇష్టం లేనివారితో మాట్లాడి వారి నుంచి లిఖితపూర్వక పత్రం తీసుకుంటున్నామన్నారు. సమావేశంలో ఎస్పీ రాజేశ్‌ చంద్ర, జిల్లా అటవీ అధికారి నిఖిత, సబ్‌ కలెక్టర్‌ కిరణ్మయి, అదనపు కలెక్టర్లు విక్టర్‌, చందర్‌, ఏఎస్పీ చైతన్య తదితరులు పాల్గొన్నారు.

న్యూస్‌రీల్‌

బీసీ రిజర్వేషన్లను అడ్డుకునే కుట్రలు..

కామారెడ్డిలో ప్రకటించిన బీసీ డిక్లరేషన్‌ ప్రకా రం స్థానిక సంస్థల ఎన్నికల్లో 42 శాతం రిజర్వేషన్లు అమలు చేయడానికి ఆర్డినెన్స్‌ తీసుకువచ్చామని సీతక్క పేర్కొన్నారు. ఇది అమలు కా కుండా కొందరు కుట్రలు పన్నుతున్నారని ఆరోపించారు. స్థానిక సంస్థల ఎన్నికలు ఎప్పుడు ని ర్వహిస్తారని మీడియా ప్రతినిధులు అడిగిన ప్ర శ్నకు ఆమె పైవిధంగా స్పందించారు. కులగణనలో పాల్గొనని కొందరు రిజర్వేషన్ల గురించి మాట్లాడుతుండడం హాస్యాస్పదమన్నారు. మంత్రివర్గంలో నిర్ణయించిన మేరకు ఆర్డినెన్స్‌ ను గవర్నర్‌కు పంపామని, ఆయన ఆమోదిస్తా రని ఆశిస్తున్నామని పేర్కొన్నారు. కేంద్ర పెద్దలతోనూ సీఎం మాట్లాడుతారన్నారు.

ఇందిరమ్మ ఇళ్ల నిర్మాణంలో

వేగం పెరగాలి

సీజనల్‌ వ్యాధులపై

అప్రమత్తంగా ఉండండి

సమీక్ష సమావేశంలో

ఇన్‌చార్జి మంత్రి సీతక్క

వివిధ శాఖల పనితీరుపై

ఎమ్మెల్యేల అసహనం

1/4

సమన్వయంతో అభివృద్ధి సాధిద్దాం

2/4

సమన్వయంతో అభివృద్ధి సాధిద్దాం

3/4

సమన్వయంతో అభివృద్ధి సాధిద్దాం

4/4

సమన్వయంతో అభివృద్ధి సాధిద్దాం