అంతర్జాతీయ వార్తా విశేషాలను ఎప్పటికప్పుడు తెలుసుకోవాలనుకుంటున్నారా? అయితే యాహూ న్యూస్ డెజైస్ట్ అప్లికేషన్‌ను డౌన్‌లోడ్ చేసుకోండి. మీ స్మార్ట్‌ఫోన్ ద్వారా రోజుకు రెండుసార్లు అప్‌డేట్ అయ్యే వార్తలను చూసుకోండి. వార్తలు, టెక్నాలజీ, స్పోర్ట్స్, బిజినెస్‌లకు సంబంధించిన వార్తలన్నింటినీ క్లుప్తంగా అందిస్తుంది ఈ అప్లికేషన్. ప్రతి వార్తాంశంలోనూ కథనాలు, అవసరమైన మ్యాపులు, ఫొటోలు కూడా ఉంటాయి. స్మార్ట్‌ఫోన్ హోమ్‌స్క్రీన్‌పై ఒక విడ్జెట్ ద్వారా తాజా వార్తలు ఏమున్నాయి? వాటిల్లో మీరు చదవనివి ఏవి? అన్నది చూసుకోవచ్చు. ఈ వార్తల సేకరణ, సంక్షిప్తీకరణ కోసం యాహూ యూకే, అమెరికా, మలేషియాల్లో ప్రత్యేక బందాలను నియమించింది. ఉదయం ఎనిమిది గంటలకు, రాత్రి 6 గంటలకు ఒకసారి వార్తలు అప్‌డేట్ అవుతాయి.