గగన్‌యాన్‌ మిషన్‌ కోసం డీఆర్‌డీవో(DRDO)కు చెందిన డిఫెన్స్‌ ఫుడ్‌ రీసెర్చ్‌ ల్యాబొరేటరీ (DFRL) అనేక అంతరిక్షం కోసం భారతీయ వంటకాలను సిద్ధం చేసినప్పటికీ, కఠిన పరీక్షల తర్వాత కేవలం మూడింటిని మాత్రమే తీసుకెళ్లినట్టు భారత వ్యోమగామి శుభాంషు శుక్లా తాజాగా వెల్లడించారు.రాజ్ షమానీ పాడ్‌కాస్ట్‌లో శుక్లా మాట్లాడుతూ.. భారత గగన్‌యాన్ మిషన్ కోసం ఆహారాన్ని తయారుచేస్తున్న డీఆర్‌డీవో ల్యాబ్ అంతరిక్షం కోసం అనేక భారతీయ వంటకాలతో పెద్ద మెనూనే సిద్ధం చేసిందని తెలిపారు. అయితే అత్యంత కఠినమైన పరీక్షల తర్వాత కేవలం మూడు వంటకాలు మాత్రమే అంతరిక్ష ప్రయాణానికి అర్హత సాధించాయన్నారు. ముఖ్యంగా గాజర్‌ కా హల్వా, మూంగ్‌ దాల్‌ హల్వా, ఆమ్‌రస్‌కు (మామిడి జ్యూస్‌) మాత్రమే అంతరిక్ష ప్రయాణానికి అనుమతి లభించిందని శుక్లా చెప్పారు. గత ఏడాది జూన్‌లో అంతర్జాతీయ అంతరిక్ష కేంద్రానికి (ISS) వెళ్ళినప్పుడు, శాస్త్రవేత్తలు అనుకున్నదానికంటే చాలా తక్కువ పరిమాణంలోనే మన దేశీయ రుచులను తనతో తీసుకెళ్లగలిగారు.ఆహార పదార్థాలను అంతరిక్షంలోకి తీసుకెళ్లడానికి ఆమోదం పొందడం చాలా సంక్లిష్టమైన ప్రక్రియ. సొరకాయ/కూరగాయలు, కిచిడీ, పులావ్, ఇతర ప్రముఖ భారతీయ వంటకాలు ప్రాథమిక మెనూలో ఉన్నప్పటికీ ఆ వంటకాలు ఎంపిక కాకపోవడానికి సమయాభావమే ప్రధాన కారణమని శుక్లా వివరించారు.అంతరిక్ష ఆహారానికి ఉండే కఠినమైన నిబంధనలుఅంతరిక్షంలోకి తీసుకెళ్లే ఆహారం ఫ్రిజ్ (Refrigeration) అవసరం లేకుండా నెలల తరబడి సురక్షితంగా, పౌష్టికంగా మరియు పాడవకుండా ఉండాలి. రాకెట్ లాంచ్ సమయంలో వచ్చే తీవ్రమైన ప్రకంపనలను తట్టుకోవాలి.జీరో గ్రావిటీ (Microgravity) వాతావరణంలో సురక్షితంగా తినేలా ఉండాలి.గాలిలో తేలే చిన్న చిన్న మెతుకులు లేదా అదనపు తేమ ఉత్పత్తులు కాకూడదు (ఇవి స్పేస్ స్టేషన్ పరికరాలకు హాని కలిగిస్తాయి).క్రిమిరహిత (Microbial safety) ప్రమాణాలను ఖచ్చితంగా పాటించాలి.అయితే ఈ మూడు భారతీయ వంటకాలను కూడా శుక్లా తినలేకపోయారు. వాటన్నింటినీ అంతర్జాతీయ వ్యోమగాముల బృందం చాలా ఆస్వాదించడం విశేషం. "నా సహచరులందరూ ఈ వంటకాలను బాగా ఇష్టపడ్డారు. అంతరిక్షంలో ఆహారాన్ని అందరితో పంచుకోవడం కంటే గొప్ప విషయం ఏముంటుంది?" అని శుక్లా సంతోషం వ్యక్తం చేశారు.అయినప్పటికీ, మిషన్ 13వ రోజు నాటికి తనకు ఇంటి వంటల రుచులు బాగా గుర్తొచ్చాయని శుక్లా ఒప్పుకున్నారు. జీరో గ్రావిటీ వల్ల శరీరంలోని ద్రవాలు తల వైపునకు చేరడంతో వ్యోమగాములకు ముక్కు దిబ్బడ వేసినట్లు అనిపిస్తుంది. దీనివల్ల రుచి, వాసన తెలిపే సామర్థ్యం తగ్గుతుంది. అంతేకాకుండా, వ్యోమగాముల ఆరోగ్యం కోసం నాసా (NASA) వారి ఆహారంలో ఉప్పు (Sodium) శాతాన్ని చాలా తక్కువగా ఉంచుతుంది.ఇదీ చదవండి: వందే భారత్‌లో నాన్న ఫస్ట్‌ రైడ్‌... ఓ పుత్రుడి ఎమోషనల్‌ స్టోరీబాగా ఉప్పగా, కారంగా ఉండే ఆహారం తినాలనిపించింది. అందుకే ఫ్లైట్ సర్జన్‌కి ఫోన్ చేసి ఉప్పుగా ఉండేది ఏదైనా దొరుకుతుందా అని కూడా అడిగానని శుక్లా గుర్తుచేసుకున్నారు.ఆయన కోరిక మేరకు భూమిపై దిగిన వెంటనే, భారతీయ ఫ్లైట్ సర్జన్ బనానా చిప్స్‌, భాకర్వాడి (Bhakarwadi) లతో ఆయనకు స్వాగతం పలికారు. భవిష్యత్తులో జరగబోయే గగన్‌యాన్ మిషన్ వ్యోమగాములకు మరింత విస్తృతమైన, రుచికరమైన భారతీయ స్పేస్ ఫుడ్ మెనూని అందించడానికి DFRL కి ఈ అనుభవం ఎంతో ఉపయోగపడనుందని భావిస్తున్నారు. ఇదీ చదవండి: రూ. 20 లక్షలు ఖర్చు పెళ్లికి అవసరమా? నెట్టింట తీవ్ర చర్చ

ఈ యేడాది క్విక్‌గా, హెల్తీగా ఉండే వంటకాలపై చాలా మంది దృష్టి పెట్టారు. ఆరోగ్యకరమైన భోజనంతో పాటు సమయాన్ని ఆదా చేయడం కూడా దీని వెనక ముఖ్య ఉద్దేశ్యం. క్విక్‌ అండ్‌ హెల్తీ, టేస్టీగా ఉండే వంటకాల తయారీ గురించి చెఫ్‌ గోవర్ధన్‌ ఇచ్చిన రెసిపీస్‌తో వంటిల్లు (Vantillu).చాలామందిలో ఆరోగ్య స్పృహతో పాటు ఫిట్‌గా ఉండాలనే ఆలోచన కూడా పెరిగింది. వారాంతాల్లో, ప్రత్యేకమైన రోజుల్లోనూ వంటకాల వైపు దృష్టి పెడుతున్నారు. వాటిలో... అధిక ప్రోటీన్‌ ఉండేవి, మొక్కల ద్వారా లభించే పదార్థాలు... కూరగాయలు, ఆకుకూరలు, పప్పు ధాన్యాలు, వివిధ రకాల పండ్లు... మొదలైనవాటిని కుండ లేదా పాన్‌ పైన నిమిషాల్లో తయారుచేసుకొని తినడం అనేది ట్రెండ్‌గా నడిచింది. ఇది మాంసాహార వంటకాలకూ వర్తించింది. సులభంగా తయారు చేయగల వంటకాలలో కొన్ని...తడ్కా స్ప్రౌట్స్‌ (Tadka sprouts)కావలసినవి: మొలకలు (పెసలు లేదా శనగలు) – కప్పు; ఉల్లిపాయ – 1 (సన్నగా తరిగినది); పచ్చిమిర్చి – 2–3 (సన్నగా తరిగినవి); ఆవాలు – 1/2 టీస్పూన్‌; జీలకర్ర – 1/2 టీస్పూన్‌; కరివేపాకు – 2 రెమ్మలు; కొబ్బరి తురుము – 2 టేబుల్‌ స్పూన్లు; నూనె – టేబుల్‌ స్పూన్‌; ఉప్పు – రుచికి సరిపడా.తయారీ: మొలకలను కొద్దిగా ఉప్పు వేసి కాస్త పలుకుగా ఉండేలా ఉడికించాలి. పాన్‌లో నూనె వేడి చేసి, ఆవాలు, జీలకర్ర, పచ్చిమిర్చి, కరివేపాకు, ఉల్లిపాయ ముక్కలు వేసి దోరగా వేయించాలి. తాలింపులో ఉడికించిన మొలకలు, కొబ్బరి తురుము, రుచికి సరిపడా ఉప్పు వేసి బాగా కలపాలి. ఈ వంటకాన్ని సలాడ్‌ రూపంలో తినచ్చు. లేదా కొంచెం మసాలా వేసి, వడ లేదా రెసిపీ కూడా చేసుకోవచ్చు. ఎగ్‌ రోల్‌ (Egg roll)కావలసినవి: చపాతీ/పరాఠా – 2–3; గుడ్లు – 2 లేదా 3; ఉల్లిపాయ – సన్నగా తరిగినది; పచ్చిమిర్చి – 2 (సన్నగా తరిగినవి); అల్లం, వెల్లుల్లి పేస్ట్‌ – టీస్పూన్‌; క్యారెట్‌ తురుము – తగినంత; పసుపు – చిటికెడు; కారం – అర టీ స్పూన్‌; కొత్తిమీర – కొద్దిగా; ఉప్పు – రుచికి సరిపడా; నూనె – వేయించడానికి సరిపడా; టొమాటో కెచప్, మయోనైజ్‌ – తగినంత.తయారీ: ఒక గిన్నెలో గుడ్ల సొన, ఉప్పు, మిరియాల పొడి వేసి బాగా కలపాలలి. పాన్‌ లో కొద్దిగా నూనె వేసి, సన్నగా తరిగిన ఉల్లిపాయలు, పచ్చిమిర్చి వేసి వేయించాలి. అల్లం–వెల్లుల్లి పేస్ట్, క్యారెట్‌ తురుము వేసి, వేయించాలి. పసుపు, కారం, కొత్తిమీర వేసి కలపండి. ఈ మిశ్రమంలో గుడ్డు మిశ్రమాన్ని పోసి, స్పూన్‌తో వెడల్పుగా అని, ఆమ్లెట్‌లాగా సిద్ధం చేసుకోవాలి. వేడి చపాతీని ఒక ప్లేట్‌ లో పెట్టి, దానిపై టొమాటో కెచప్, మయోనైజ్‌ రాయాలి. తయారుచేసుకున్న ఆమ్లెట్‌ ను చపాతీ మధ్యలో పెట్టి, సన్నగా తరిగిన ఉల్లిపాయలు చల్లాలి. చపాతీని గట్టిగా రోల్‌ చేసి సర్వ్‌ చేయాలి.


  ఎవరైనా రుచికరమైన వంటకాలతో భారీ ఎత్తున విందు ఇస్తే, వెంటనే ‘మాయాబజార్’లోని ‘వివాహ భోజనంబు వింతైన వంటకంబు..’ అనే పాట గుర్తొచ్చేస్తుంది. ఇటీవల ఈ రేంజ్ విందునే ప్రియాంకా చోప్రా ఇచ్చారు. అయితే అది ఆమె వివాహ భోజనం కాదు. ఈ విందుకు వేరే కారణం ఉంది. అమెరికన్ టీవీ సిరీస్ ‘క్వాంటికో’లో నటించడం మొదలుపెట్టాక హిందీ చిత్రం ‘బాజీరావ్ మస్తానీ’కి తేదీలు కేటాయించే విషయంలో ప్రియాంక తడబడ్డారట.
  
   సంజయ్ లీలా భన్సాలీ దర్శకత్వంలో రూపొందిన ఈ చిత్రం షూటింగ్ పూర్తయ్యింది. ఈ షూటింగ్ విషయంలో తానెంత ఇబ్బందిపెట్టినా చిత్రబృందం ఒక్క మాట కూడా అనకుండా సహకరించడం ప్రియాంకను కదిలించేసింది. దాంతో షూటింగ్ చివరి రోజున అందరికీ గ్రాండ్‌గా లంచ్ ఏర్పాటు చేయాలనుకున్నారు. ప్రియాంక సోదరుడు సిద్ధార్థ్‌కి రెస్టారెంట్స్ ఉన్నాయి.
  
   ఇటాలియన్ ఫుడ్, ఇండియన్ డిషెస్, చైనీస్... ఇలా వెరైటీ డిషెస్ తయారు చేయమని సిద్ధార్థ్‌కి విన్నవించుకున్నారు. మొత్తం రెండు వందల మంది కోసం ఈ లంచ్ ఏర్పాటు చేశారు. ప్రియాంక ఇచ్చిన ఈ భారీ విందును చిత్రబృందం ఓ పట్టు పట్టారు. ‘అన్నదాతా! సుఖీభవ’ లాంటి పెద్ద పెద్ద మాటలు మాట్లాడలేదు కానీ, ఎంతో శ్రద్ధగా తమ కోసం లంచ్ ఏర్పాటు చేసినందుకు ప్రియాంకకు అందరూ ధన్యవాదాలే తెలిపారట. ఆనందంతో ఆవిడగారి కళ్లు చెమర్చాయట!