అహ్మదాబాద్‌: గుజరాత్‌లోని అహ్మదాబాద్‌లో దారుణం జరిగింది. నోబెల్‌ శాంతి బహుమతి గ్రహీత, పాకిస్తాన్‌ సాహస బాలిక మలాలా యూసఫ్‌జాయ్‌ ఆత్మకథ ‘ఐయామ్‌ మలాలా’పుస్తకాన్ని యువకులు చదువుతుండగా, కొందరు వ్యక్తులు హఠాత్తుగా వచ్చి దాడి చేశారు. తమను తాము మితవాద కార్యకర్తలుగా చెప్పుకునే కొందరు వ్యక్తులు ఈ దాడికి పాల్పడ్డారని పోలీసులు శుక్రవారం తెలిపారు. ఈ ఘటనలో ముగ్గురిని అరెస్టు చేసినట్లు చెప్పారు. పోలీసులు వెల్లడించిన వివరాల ప్రకారం.. గురువారం సాయంత్రం వస్త్రపుర గార్డెన్‌లో పఠన కార్యక్రమం ఏర్పాటుచేశారు. ఔత్సాహికులు ఒక బృందంగా తమకు నచి్చన పుస్తకాలు చదువుకొని, వాటిపై చర్చిస్తుంటారు. ఈ కార్యక్రమంలో భాగంగా ఐయామ్‌ మలాలా బుక్‌ను చదువుతుండగా, దాదాపు 20 మంది అక్కడికి దూసుకొచ్చారు. ఆ పుస్తమే ఎందుకు చదువుతున్నారని ప్రశి్నస్తూ కర్రలతో విచక్షణారహితంగా దాడి చేశారు. ఈ దాడిలో ఇద్దరు యువకులకు గాయాలయ్యారు. తాము బజరంగ్‌ దళ్, విశ్వ హిందూ పరిషత్‌ కార్యకర్తలమని చెప్పుకున్నారు. సమాచారం అందుకున్న వెంటనే పోలీసులు అక్కడికి చేరుకున్నారు. ఇప్పటిదాకా ముగ్గురిని అదుపులోకి తీసుకున్నారు. ఎఫ్‌ఐఆర్‌ నమోదు చేసి, కేసు దర్యాప్తు చేస్తున్నారు. ఇద్దరు నిందితులతో బాధితులకు ముందే పరిచయం ఉందని పోలీసులు వెల్లడించారు. కొన్ని వారాల క్రితం మితవాద వర్గాల నిరసనల కారణంగా అహ్మదాబాద్‌లోని ఒక ప్రైవేట్‌ పాఠశాలలో యూసఫ్‌జాయ్, హోలోకాస్ట్‌ బాధితురాలు అన్నే ఫ్రాంక్‌ రాసిన పుస్తకాలను తమ తప్పనిసరి పఠన జాబితా నుండి తొలగించాల్సి వచి్చంది.

పాకిస్తాన్‌ సాహస బాలిక, నోబెల్ శాంతి బ‌హుమ‌తి గ్ర‌హీత మ‌లాలా యూసుఫ్‌జాయ్ జీవిత క‌థ ఆధారంగా తెర‌కెక్కుతున్న ‘గుల్ మ‌కాయ్‌’ చిత్రం ఫ‌స్ట్‌లుక్ విడుదలైంది. ప్రముఖ దర్శకుడు అంజద్‌ ఖాన్‌ ఈ సినిమాకు దర్శకత్వం వహిస్తున్నారు. మలాలా పాత్రలో బాలీవుడ్‌ నటి రీమ్‌ షేక్‌ నటిస్తున్న సంగతి తెలిసిందే. తాజాగా ఈ సినిమా ఫస్ట్‌ లుక్‌ పోస్టర్‌ ను రిలీజ్ చేశారు చిత్రయూనిట్‌. సినిమా థీమ్‌ను తెలియజేసేలా ఈ ఫస్ట్‌లుక్‌ను రూపొందించారు. మలాల చేతిలో పుస్తకం పట్టుకొని ఉండగా.. పుస్తకాన్ని ఉగ్రవాదులు తగలబెట్టినట్లుగా పోస్టర్‌లో చూపించారు. తాలిబన్ల అరాచకాలకు ముస్లీం బాలికలు ఎలా చదువుకు దూరమయ్యారనే విషయాన్ని ఫస్ట్‌ లుక్‌లో చూపించారు. ఈ సినిమాలో మ‌లాలా త‌ల్లి పాత్ర‌ను దివ్య ద‌త్తా పోషిస్తున్నారు. అలాగే ఇందులో ఓం పురి, రాగిణి ఖ‌న్నాలు కీల‌క పాత్ర‌లు పోషిస్తున్నారు. మలాల తన చిన్ననాటి అనుభవాలను ‘గుల్‌ మకాయ్‌’ అనే పేరుతో డైరీ రూపంలో రాసుకున్నారు. ఉర్దూలో రాసుకున్న ఈ పుస్తకానికి సంబంధించిన కథనం బీబీసీలో ప్రసారం చేశారు. ఇప్పుడు అదే పేరుతో మలాల బయోపిక్‌ తెరకెక్కనుంది. గతంలో మలాల, తన జీవితంలో చోటు చేసుకున్న సంఘటనలను ‘ఐయామ్‌ మలాలా’ అన్న పేరుతో పుస్తకంగా తీసుకొచ్చారు.  పాకిస్తాన్‌, స్వాత్‌లోయలో బాలికల చదువుకోవడాన్ని తాలిబన్లు నిషేదించినా, 11 ఏళ్ల వయస్సులోనే మలాలా విద్యా హక్కు కోసం పోరాటం చేశారు. 2012 లో ఉగ్రవాదుల అరాచకాలపై గళమెత్తినందకు ఆమెపై తీవ్రవాదులు దాడి చేసి తీవ్రంగా గాయపరిచిన విషయం తెల్సిందే. ప్రస్తుతం ప్రపంచ వ్యాప్తంగా చిన్నారుల విద్యకోసం మలాలా కృషిచేస్తున్నారు.  


 విజయవాడ : అఖిల భారత ప్రజాతంత్ర మహిళా సంఘం (ఐద్వా) ఆధ్వర్యంలో మలాల పుస్తకావిష్కరణ జరిగింది. విజయవాడలోని బందరు రోడ్డులో ఉన్న సిద్ధార్థ మహిళా కాలేజీలో గురువారం ఈ కార్యక్రమం జరిగింది. కాలేజీకి చెందిన దాదాపు 2వేల మంది విద్యార్థినులు ఈ కార్యక్రమంలో పాల్గొన్నారు. 'ఐయామ్ మలాల' పుస్తకాన్ని ఉమామహేశ్వరరావు అనే రచయిత తెలుగులో 'నేను మలాల' పేరుతో అనువదించారు.
 
 ఈ పుస్తకాన్ని కాలేజీలోని విద్యార్థినుల చేతుల మీదుగా రచయిత ఆవిష్కరించారు. ఈ సందర్భంగా మలాల స్ఫూర్తితో మహిళలు ఉన్నత విద్యనభ్యసించాలని ఆయన కోరారు. ఈ కార్యక్రమంలో తెలుగు భాషలో కేంద్ర సాహిత్య అకాడమీ అవార్డును గెలుచుకున్న కాకతీయ యూనివర్సీటీ తెలుగు ఫ్రొపెసర్ కాత్యాయనీ విద్మహే కూడా పాల్గొన్నారు.