ఇక రియల్టీ ట్రస్ట్ ఐపీవోలు!

హైదరాబాద్, బిజినెస్ బ్యూరో: స్టాక్ మార్కెట్లో నమోదు చేసుకోవడం ద్వారా నిధులు సేకరించడానికి రియల్ ఎస్టేట్ ఇన్వెస్ట్‌మెంట్ ట్రస్ట్స్(ఆర్‌ఈఐటీఎస్)కి అనుమతించాలని సెబీ ప్రతిపాదించింది. రియల్ ఎస్టేట్ సంస్థలు నిధులు సేకరించడానికి ఆర్‌ఈఐటీఎస్‌పైనే ప్రధానంగా ఆథారపడుతుంటాయి. ఇప్పుడు వీటిని స్టాక్ మార్కెట్లో నమోదు చేయడం ద్వారా కొత్త ఇన్వెస్ట్‌మెంట్స్‌ను ఆకర్షించాలని సెబీ నిర్ణయించింది.  దీనికి సంబంధించిన మార్గదర్శకాలను మార్కెట్ నియంత్రణ సంస్థ సెబీ గురువారం విడుదల చేసింది. దీని ప్రకారం ఆర్‌ఈఐటీఎస్‌లు పబ్లిక్ ఇష్యూల ద్వారానే కాకుండా ఫాలో ఆన్ ఇష్యూలు ద్వారా కూడా నిధులను సేకరించవచ్చు.