జీసస్ జన్మదిన సంబరం

చెన్నై, సాక్షి ప్రతినిధి: ప్రతి ఏడాది డిసెంబరు 25న క్రీస్తు జన్మదినంగా భావిస్తూ క్రిస్మస్ పండుగను జరుపుకుంటారు. ఈ ఏడాది కూడా చర్చిలను రంగు రంగుల విద్యుత్ దీపాలతో అలంకరించారు. తెల్లవారుజామున 4 గంటల నుంచే చర్చిల్లో ప్రార్థనలు ప్రారంభమయ్యూయి. వేలాది మంది కుటుంబ సమేతంగా తరలివచ్చి భక్తి శ్రద్ధలతో ప్రార్థనలు చేశారు. క్రైస్తవులు తమ ఇళ్లను నక్షత్రపు బొమ్మలతో, రంగు కాగితాల తోరణాలతో తీర్చిదిద్దుకున్నారు. క్రిస్మస్ చెట్టును తయారుచేసి అందులో చిన్న చిన్న బొమ్మలను, బహుమతులను అమర్చారు. ఏసు జన్మించినట్లుగా చిన్నపాటి గృహం, అం దులో బాల ఏసు బొమ్మను ఏర్పాటు చేసి ప్రదర్శనకు ఉంచారు. మంగళవారం రాత్రి అనేక చర్చిలు ప్రార్థనా మందిరాల్లో ఏసు నామజపం నిర్వహించారు.