ధావన్‌ వదిలేశాడు..!

Shikhar Dhawan Dropped Khawajas Easy Catch at backward point - Sakshi

రాంచీ: ఆస్ట్రేలియాతో జరుగుతున్న మూడో వన్డేలో టీమిండియా ఫీల్డింగ్‌ పేలవంగా ఉంది. టాస్‌ గెలిచిన టీమిండియా ముందుగా ఫీల్డింగ్‌ తీసుకుంది. దాంతో బ్యాటింగ్‌కు దిగిన ఆసీస్‌ ఇన్నింగ్స్‌ను అరోన్‌ ఫించ్‌, ఖాజాలు ఆరంభించారు. అయితే ఇన్నింగ్స్‌ రెండో ఓవర్‌లోనే భారత్ రివ్యూను కోల్పోయింది. బుమ్రా వేసిన ఆ ఓవర్‌ ఐదో బంతి..  ఫించ్‌ వెనుక కాలి ప్యాడ్లకు తాకింది. దీనిపై భారత అప్పీల్‌ చేయగా ఫీల్డ్‌ అంపైర్‌ తిరస్కరించాడు. దాంతో భారత్‌ రివ్యూకు వెళ్లింది. ఆ బంతి వికెట్ల పైనుంచి వెళుతుందని తేలడంతో భారత్‌ రివ్యూ కోల్పోయింది.

కాగా, జడేజా వేసిన ఏడో ఓవర్‌ నాల్గో బంతికి ఖాజా ఔటయ్యే ప్రమాదం నుంచి తప్పించుకున్నాడు. ఆ బంతిని ఖాజా రివర్స్‌ స్వీప్‌ ఆడగా అది బ్యాక్‌వర్డ్‌ పాయింట్‌లో ఉన్న ధావన్‌ చేతుల్లో పడింది. అయితే ఆ సునాయాసమైన క్యాచ్‌ను ధావన్‌ వదిలేయడంతో ఖాజాకు లైఫ్‌ లభించింది. అంతకుముందు బుమ్రా వేసిన ఆరో ఓవర్‌లో చివరి బంతి ఎడ్జ్‌ తీసుకుని ఫోర్‌కు పోయింది. ఆ సమయంలో స్లిప్‌లో ఫీల్డర్లు ఎవరూ లేకపోవడం ఖాజాకు కలిసొచ్చింది. ఈ రెండింటిని సద్వినియోగం చేసుకున్న ఖాజా హాఫ్‌ సెంచరీ సాధించాడు. మరొకవైపు అరోన్‌ ఫించ్‌ కూడా అర్థ శతకం నమోదు చేయడంతో ఆసీస్‌  19 ఓవర్లలో వికెట్‌ నష్టపోకుండా 121 పరుగులు చేసింది.

ఇక్కడ చదవండి: అమర జవాన్లకు టీమిండియా ఘన నివాళి

Read latest Sports News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top