డీ కాక్ ఒంటరి పోరు!

డీ కాక్ ఒంటరి పోరు!

రాయ్ పూర్:ఇండియన్ ప్రీమియర్ లీగ్(ఐపీఎల్)లో భాగంగా రాయల్ చాలెంజర్స్తో జరుగుతున్న కీలక మ్యాచ్లో ఢిల్లీ డేర్ డేవిల్స్ బ్యాటింగ్లో తడబడింది. ఓపెనర్ డీ కాక్ ( 60; 52 బంతుల్లో 5 ఫోర్లు, 1 సిక్స్)ఒంటరి పోరు చేసినా మిగతా ఆటగాళ్లు విఫలం కావడంతో ఢిల్లీ 139 పరుగుల లక్ష్యాన్ని మాత్రమే నిర్దేశించకల్గింది. టాస్ ఓడి తొలుత బ్యాటింగ్ చేసిన ఢిల్లీ ఆదిలోనే రిషబ్ పంత్(1) వికెట్ ను కోల్పోయింది. అనంతరం కరుణ్ నాయర్(11), సంజూ శాంసన్(17), బిల్లింగ్స్(4)లు అవుట్ కావడంతో  ఢిల్లీ కష్టాల్లో పడింది.

ఆపై పవన్ నేగీ(6) తీవ్రంగా నిరాశపరచడంతో పాటు, బ్రాత్ వైట్(1) లు పరుగు వ్యవధిలో నిష్క్రమించడంతో ఢిల్లీ 98 పరుగులకే ఆరు వికెట్లను నష్టపోయింది. ఇక  చివర్లో క్రిస్ మోరిస్( 27 నాటౌట్; 18 బంతుల్లో 3ఫోర్లు ) ఫర్వాలేదనిపించడంతో ఢిల్లీ 20.0 ఓవర్లలోఎనిమిది వికెట్ల నష్టానికి 137 పరుగులు చేసింది. ఆర్సీబీ బౌలర్లలో చాహాల్ మూడు వికెట్లు సాధించగా, క్రిస్ గేల్ కు రెండు, ఎస్ అరవింద్, జోర్డాన్లకు తలో వికెట్ దక్కింది.