రారండోయ్‌

May 21, 2018, 01:47 IST

పల్లా దుర్గయ్య స్మారక సాహితీ పురస్కారాన్ని నందిని సిధారెడ్డికి మే 24న సాయంత్రం 6 గంటలకు త్యాగరాయ గానసభలో ప్రదానం చేయనున్నారు. నిర్వహణ: మానస ఆర్ట్‌ థియేటర్స్, త్యాగరాయ గానసభ.
చల్లపల్లి స్వరూపరాణి కవితాసంపుటి ‘వేకువ పిట్ట’ పరిచయ సభ మే 26న రవీంద్రభారతి మినీ కాన్ఫరెన్స్‌ హాల్‌లో సాయంత్రం 5 గంటలకు జరగనుంది. నిర్వహణ: కవిసంధ్య, బహుజన రచయితల వేదిక, భీమ్‌భూమి మాసపత్రిక.
ముస్లిం సంఘీభావ కవితా సంకలనం ‘మిలన్‌’ కోసం మే 31లోగా కవితలు పంపాలని సంపాదకులు కోరుతున్నారు. ప్రచురణ: ప్రేమలేఖ. మెయిల్‌: ఝజీ ్చnఞ్ఛ్టౌటyఃజఝ్చజీ .ఛిౌఝ
పెన్నా సాహిత్య పురస్కారం–2017కు అనిల్‌ డ్యానీ కవితా సంపుటి ‘ఎనిమిదో రంగు’ ఎంపికైంది. పురస్కార ప్రదానం జూన్‌లో నెల్లూరులో ఉంటుంది. నిర్వహణ: పెన్నా రచయితల సంఘం.
‘నవ్యాంధ్రప్రదేశ్‌’ ఐదవ సంవత్సరంలోకి అడుగెడుతున్న సందర్భంగా ‘మన ఆంధ్రప్రదేశ్‌’ పేరిట ఏకదిన కవిసమ్మేళనం జూన్‌ 10న విజయవాడలో జరగనుంది. వివరాలకు: 9247475975. నిర్వహణ: ఆంధ్రప్రదేశ్‌ రచయితల సంఘం.
కిన్నెర–ద్వానా స్ఫూర్తి పురస్కారాలకు ‘అనంత పద్యం’(ఆమళ్లదిన్నె రమణప్రసాద్‌), ‘పుట్ట బంగారం’(గుడిపాటి), ‘వరంగల్‌ జిల్లా పత్రికలు: నాడు, నేడు’(నమిలికొండ సునీత) సాహిత్య విమర్శ గ్రంథాలు ఎంపికైనాయి. ప్రదానం, జూన్‌ 15న త్యాగరాయ గానసభలో.
‘ఉ కొట్టండి... ఉల్లాసం, ఉద్వేగం, ఉత్కంఠ, ఉత్సాహం నిండిన కథల’ పేరుతో ఆన్‌లైన్‌ పత్రిక ‘సుకథ’ పోటీ నిర్వహిస్తోంది. మొదటి మూడు బహుమతుల విలువ 25 వేలు. చివరి తేది: జూన్‌ 20. వివరాలకు: storyboard@sukatha.com