'రాహుల్ అంబేద్కర్ను అవమానిస్తున్నారు'

'రాహుల్ అంబేద్కర్ను అవమానిస్తున్నారు'

అహ్మదాబాద్ : కాంగ్రెస్‌ పార్టీ ఉపాధ్యక్షుడు రాహుల్‌గాంధీ... అంబేద్కర్‌ను అవమానపరుస్తున్నారని బిజెపి ప్రధాని అభ్యర్ధి నరేంద్ర మోడీ ఆరోపించారు. రాజ్యాంగం ద్వారా దళితులకు, పీడితులకు హక్కులు కల్పించింది అంబేద్కర్‌ అయితే తామే కల్పించామంటూ రాహుల్‌గాంధీ ప్రచారం చేసుకుంటున్నారని ఆమన సోమవారమిక్కడ వ్యాఖ్యానించారు. రాహుల్‌కు దేశ చరిత్ర, సంస్కృతి తెలీదని నరేంద్ర మోడీ ఎద్దేవా చేశారు. నెహ్రూ కుటుంబానికి చెందిన గాంధీలందరికీ భారతరత్నలు వెంటనే ఇచ్చారని మరి అంబేద్కర్‌కు అంత ఆలస్యంగా ఎందుకిచ్చారని ఆయన ప్రశ్నించారు.