జియో వల్ల ఎంత నష్టం వాటిల్లిందంటే..

న్యూఢిల్లీ : రిలయన్స్ జియో... టెలికాం మార్కెట్లోకి అడుగుపెట్టడంతో ఒక్కసారిగా ఇండస్ట్రీ పరిస్థితంతా తలకిందులైన సంగతి తెలిసిందే. దీని దెబ్బకు దిగ్గజ టెలికాం కంపెనీలు భారీగానే నష్టాలు మూటగట్టుకున్నాయి. అయితే ఏకతాటిగా పెరిగిపోతున్న జియో సబ్ స్క్రైబర్ బేస్, 2016-17 వరకు ఆఫర్ చేసిన ఉచిత ఆఫర్లతో ఇండస్ట్రీ రెవెన్యూలు కూడా ఏడాది ఏడాదికి 11.7 శాతం పడిపోయినట్టు జేఫ్ఫెరీస్ రిపోర్టు నివేదించింది. జేఫ్పెరీస్ బుధవారం వెల్లడించిన రిపోర్టులో జియో సబ్ స్క్రైబర్ వృద్ధి, 2016-17 నాలుగో క్వార్టర్ ముగిసేవరకు కంపెనీ ఆఫర్ చేసిన  ఉచిత సేవలు ఇండస్ట్రీ రెవెన్యూలను దెబ్బతీశాయని పేర్కొంది. అంతేకాక ఈ ఆర్థిక సంవత్సరంలోనూ సెక్టార్ రెవన్యూలు 38 శాతం పడిపోయే అవకాశముందని టెలికాం డిపార్ట్ మెంట్ అంచనావేస్తోంది. అంటే 17వేల కోట్ల రెవెన్యూలు కనుమరుగయ్యే అవకాశాలు కనిపిస్తున్నాయి.