యాప్ కీ కహానీ...

వెల్త్‌ప్యాక్
మీరు మీ వ్యక్తిగత ఆర్థిక లావాదేవీల నిర్వహణ కోసం చక్కటి యాప్ గురించి అన్వేషిస్తున్నారా? అయితే మీ అన్వేషణను ఇక ఆపండి. ‘వెల్త్‌ప్యాక్’ అనే యాప్‌ను వినియోగించి చూడండి. ఈ యాప్ చాలా సింపుల్‌గా, చాలా ప్రత్యేకతలతో మీ అవసరాలకు అనువుగా రూపొందింది. వెల్త్‌ప్యాక్ యాప్ సాయంతో మీ ఆదాయ, వ్యయాలతో కూడిన బడ్జెట్ నిర్వహణ సులభతరం అవుతుంది. ఈ యాప్‌ను గూగుల్ ప్లేస్టోర్ నుంచి ఉచితంగా డౌన్‌లోడ్ చేసుకోవచ్చు. దేశీ ప్రముఖ డైవర్సిఫైడ్ ఫైనాన్షియల్ సర్వీసెస్ గ్రూప్ ‘ఎడి ల్‌విస్’ ఈ యాప్‌ను రూపొందించింది.

 ప్రత్యేకతలు

♦ యూజర్ ఫ్రెండ్లీ ఇంటర్ ఫేస్.

♦ బ్యాంక్, క్రెడిట్ కార్డులు, వాలెట్ల ఖాతాలకు సంబంధించిన లావాదేవీలను ఒకే చోటు చూసుకోవచ్చు.

♦ యాప్.. డెబిట్/క్రెడిట్ కార్డులు, నెట్ బ్యాంకింగ్ వంటి తదితర మార్గాల్లో నిర్వహించిన ఆర్థిక లావాదేవీలను (మన ఫోన్‌కు వచ్చే ఎస్‌ఎంఎస్‌ల సాయం తో) ఆటోమెటిక్‌గా ట్రాక్ చేస్తుంది.

♦ మన వ్యయాలను క్యాటగరైజ్ చేసి దేనిపై ఎంత మొత్తంలో ఖర్చు చేస్తున్నామనే విషయాన్ని తెలియజేస్తుంది. మన లావాదేవీలను ఇన్ఫోగ్రాఫిక్స్ రూపంలో చూడొచ్చు.

♦ బిల్లులను, రుణాలను సరైన సమయంలో చెల్లించడానికి వీలుగా అలర్ట్‌లను సెట్ చేసుకోవచ్చు.

♦ సమాచార భద్రతకు యాప్ బృందం హామీనిస్తోంది.