TV
గాలిలో ప్రాణాలు!
గుంటూరు జిల్లా నకరికల్లు మండలం అడ్డరోడ్డు సమీపంలో ఆదివారం వేకువజామున మూడుగంటల సమయంలో ఒక ప్రయివేటు బస్సు కాలువలోకి ఒరిగింది.
నకరికల్లు, న్యూస్‌లైన్: గుంటూరు జిల్లా నకరికల్లు మండలం అడ్డరోడ్డు సమీపంలో ఆదివారం వేకువజామున మూడుగంటల సమయంలో ఒక ప్రయివేటు బస్సు కాలువలోకి ఒరిగింది. అదృష్టవశాత్తు బస్సు కాలువలోకి పడకపోవడంతో సుమారు 30మంది ప్రయాణికులు సురక్షితంగా బయటపడ్డారు. హైదరాబాద్ నుంచి ఒంగోలు వెళుతున్న బస్సు డ్రైవర్ గుంటూరు బ్రాంచ్ కెనాల్ వద్ద లారీని ఓవర్ టేక్ చేస్తూ వంతెనను ఢీకొట్టాడు. దీంతో బస్సు కాలువలోకి ఒరిగింది. నిద్రమత్తులో ఉన్న ప్రయాణికులు ఒక్కసారిగా ఉలిక్కిపడ్డారు. ప్రాణభీతితో ఆర్తనాదాలు చేశారు. కాపాడాలంటూ కేకలువేశారు. కొద్దిసేపటికి సమీపంలోని హోటళ్ల వాళ్లు స్పందించి కిటికీల నుంచి ఒక్కొక్కరిని చెక్కబల్లల మీదుగా కిందకు దించారు. బస్సు డ్రైవర్ పరారయ్యారు. బస్సు యజమాని వచ్చి క్రేన్ సహాయంతో బస్సును వెలికితీశారు.
