గల్ఫ్‌లో ఉద్యోగావకాశాలు

ఏలూరు (ఆర్‌ఆర్‌పేట): ఖతార్‌ దోహాలో హోమ్‌కేర్‌ నర్స్‌ రంగంలో ఉద్యోగావకాశాల కోసం దరఖాస్తులు కోరుతున్నట్టు జిల్లా నైపుణ్యాభివృద్ధి అధికారి ఎన్‌.జితేంద్రబాబు శుక్రవారం ప్రకటనలో తెలిపారు. 21 నుంచి 40 సంవత్సరాల మధ్య వయసున్న పురుషులు, సీ్త్రలు ఈ ఉద్యోగాలకు అర్హులని పేర్కొన్నారు. అలాగే 2 సంవత్సరాల అనుభవం ఉన్న అభ్యర్థుల నుంచి 2 సంవత్సరాల కాంట్రాక్ట్‌ ఉద్యోగాల కోసం దరఖాస్తులు ఆహ్వానిస్తున్నామని వివరించారు. నెలకు సుమారుగా రూ.1,30,000 వరకు జీతం ఉంటుందని స్పష్టం చేశారు. అభ్యర్థులు చెల్లుబాటు అయ్యే పాస్‌పోర్ట్‌, సంబంధిత ఎడ్యుకేషన్‌ సర్టిఫికెట్‌, అనుభవం ధ్రువీకరణ పత్రాలు, గుడ్‌ స్టాండింగ్‌ సర్టిఫికెట్‌, గ్రాడ్యుయేషన్‌ అటెస్టేషన్‌ సమర్పించాలని కోరారు. ఆసక్తి ఉన్న అభ్యర్థులు నైపుణ్యం వెబ్‌సైట్‌లో నమోదు చేసుకోవచ్చని లేదా హెల్ప్‌లైన్‌ నెంబర్‌ 9988853335కు ఫోన్‌ చేయాలని కోరారు.