TV
స్పేస్ కిడ్స్ ఇండియాకు సర్టిఫికెట్ ప్రదానం
కొరుక్కుపేట: స్పేస్ కిడ్జ్ రాసిన క్యూబ్శాట్ 101: ఇన్ సెప్షన్ టూ ఆపరేషన్స్ అనే సమగ్ర ఉపగ్రహ విద్య పాఠ్యాంశ పుస్తకంకు ఆనూహ్యమైన స్పందన అభిస్తుంది. దీంతో ఈ పుస్తకాన్ని ఇండియన్ నేషనల్ స్పేస్ ప్రమోషన్ – ఆథరైజేషన్ సెంటర్ (ఇన్ అండ్ స్పేస్ )లో ప్రస్తుతం ప్రమోషన్ డైరెక్టరేట్ డైరెక్టర్గా ఉన్న డాక్టర్ వినోద్ కుమార్ అధికారికంగా విడుదల చేశారు. ఈ సందర్భంగా, పాఠ్యాంశాల విద్యా దృఢత్వం, సాంకేతిక బలం, జాతీయ ఔచిత్యాన్ని గుర్తించి స్పేస్ కిడ్జ్ ఇండియా వ్యవస్థాపకురాలు డాక్టర్ శ్రీమతి కేసన్కు సర్టిఫికేషన్ ప్రదానం చే శారు. ఈ సందర్భంగా ఆమె తన స్పందన తెలియజేస్తూ ప్రభుత్వ గుర్తింపు పొందిన అంతరిక్ష విద్య వైపు స్పేస్ కిడ్జ్ ఇండియా ఒక ప్రధాన మైలురాయి సాధించిందని తెలిపారు. స్పేస్ కిడ్జ్ ఇండియా తన సమగ్ర పాఠ్య పుస్తకం‘క్యూబ్శాట్ 101: ఇన్సెప్షన్ టూ ఆపరేషన్స్ అధికారికంగా ఆవిష్కరించబడిందని గర్వంగా ఉందని సంతోషం వ్యక్తం చేశారు. ఈ కార్యక్రమం భారతదేశంలో మైక్రో డిప్లొమాగా గుర్తింపు పొందిన మొట్టమొదటి అంకితమైన అంతరిక్ష పాఠ్యాంశంగా నిలుస్తుందని అంతేకాకుండా ఇది అధికారిక క్యూబ్శాట్ శిక్షణ, అంతరిక్ష సాంకేతిక విద్యలో కొత్త బెంచ్మార్క్ను నిర్దేశిస్తుందని వివరించారు.
