బంగ్లాదేశ్‌పై జింబాబ్వే గెలుపు 

Zim Vs Ban: Zimbabwe Clinches Super Victory In 2nd T20 - Sakshi

హరారే: బంగ్లాదేశ్‌తో జరిగిన రెండో టి20లో జింబాబ్వే 23 పరుగుల తేడాతో గెలుపొందింది. దాంతో మూడు మ్యాచ్‌ల టీ20 సిరీస్‌ను 1–1తో సమం చేసింది. శుక్రవారం జరిగిన మ్యాచ్‌లో తొలుత బ్యాటింగ్‌ చేసిన జింబాబ్వే 20 ఓవర్లలో 6 వికెట్లకు 166 పరుగులు చేసింది. ఓపెనర్‌ వెస్లీ మదెవెరె (57 బంతుల్లో 73; 5 ఫోర్లు, 3 సిక్స్‌లు) అర్ధ సెంచరీతో రాణించాడు. చివర్లో రైన్‌ బర్ల్‌ (19 బంతుల్లో 34 నాటౌట్‌; 2 ఫోర్లు, 2 సిక్స్‌లు) దూకుడుగా ఆడాడు. షోరిఫుల్‌ ఇస్లామ్‌ మూడు వికెట్లు తీశాడు.

ఛేదనలో బంగ్లాదేశ్‌ 19.5 ఓవర్లలో 143 పరుగులకు ఆలౌటైంది. షమీమ్‌ (13 బంతుల్లో 29; 3 ఫోర్లు, 2 సిక్స్‌లు) టాప్‌ స్కోరర్‌గా నిలిచాడు. వెల్లింగ్టన్‌ మసకద్జా (3/20), ల్యూక్‌ జాంగ్వే (3/31) ప్రత్యర్థిని కట్టడి చేశారు. ‘ప్లేయర్‌ ఆఫ్‌ ద మ్యాచ్‌’ అవార్డును మదెవెరె అందుకు న్నాడు. సిరీస్‌ విజేతను తేల్చే మూడో టి20 రేపు జరుగుతుంది.   

Read latest Sports News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top