IPL 2022: 100 మీటర్లు దాటితే 8 పరుగులు.. మూడు డాట్ బాల్స్ ఆడితే ఔట్‌..! | Sakshi
Sakshi News home page

Aakash Chopra-Chahal: 100 మీటర్లు దాటితే 8 పరుగులు.. మూడు డాట్ బాల్స్ ఆడితే ఔట్‌..!

Published Mon, Apr 4 2022 12:46 PM

IPL 2022: Chahal Trolls Aakash Chopra When He Suggests 8 Runs For Six Over 100m - Sakshi

Chahal Trolls Aakash Chopra: ఐపీఎల్ 2022 సీజన్‌లో భాగంగా చెన్నై సూపర్‌ కింగ్స్‌తో జరిగిన మ్యాచ్‌లో పంజాబ్ కింగ్స్‌ బ్యాటర్‌ లియామ్ లివింగ్‌స్టోన్ ఆకాశమే హద్దుగా చెలరేగి 32 బంతుల్లో 5 ఫోర్లు, 5 సిక్సర్ల సాయంతో 60 పరుగులు చేసి జట్టు విజయంలో కీలకపాత్ర పోషించిన సంగతి తెలిసిందే. ఈ మ్యాచ్‌లో లివింగ్‌స్టోన్‌ కొట్టిన 5 సిక్సర్లలో ఒకటి 108 మీటర్ల దూరం ప్రయాణించి ప్రస్తుత సీజన్‌లో భారీ సిక్సర్‌గా రికార్డైంది. 


ఈ సిక్సర్‌ నేపథ్యంలో ప్రముఖ వ్యాఖ్యాత ఆకాశ్‌ చోప్రా ట్వీట్‌ చేస్తూ.. 100 మీటర్లు దాటిన సిక్సర్‌కు 8 పరుగులు ఇవ్వాలంటూ ఆసక్తికర వ్యాఖ్యలు చేశాడు. ఇందుకు రాజస్థాన్‌ రాయల్స్‌ బౌలర్‌ యుజ్వేంద్ర చహల్‌ తనదైన స్టైల్లో కౌంటరిచ్చాడు. 100 మీటర్లు దాటిన సిక్సర్‌కు 8 పరుగులిస్తే.. వరుసగా మూడు డాట్ బాల్స్ వేస్తే వికెట్ ఇవ్వాలంటూ రిప్లై ఇచ్చాడు. చహల్‌- ఆకాశ్‌ చోప్రా మధ్య జరిగిన ఈ సరదా సంభాషణపై మిస్టర్‌ ఐపీఎల్‌ సురేశ్‌ రైనా "హాహాహా" అంటూ స్పందించాడు. 

ఇదిలా ఉంటే, సీఎస్‌కేతో మ్యాచ్‌లో లివింగ్‌స్టోన్‌ ఆల్‌రౌండ్‌ ప్రదర్శనతో(60, 2/25) చెలరేగడంతో పంజాబ్‌ కింగ్స్‌  54 పరుగుల తేడాతో ఘన విజయం సాధించింది. తొలుత బ్యాటింగ్‌ చేసిన పంజాబ్‌ కింగ్స్‌ లివింగ్‌స్టోన్‌ మెరుపుల సాయంతో నిర్ణీత ఓవర్లలో 8 వికెట్ల నష్టానికి 180 పరుగులు చేసింది. అనంతరం లివింగ్‌స్టోన్‌ బంతితోనూ రాణించి జట్టు విజయంలో కీలకపాత్ర పోషించాడు. రాహుల్‌ చాహర్‌ (3/25), వైభవ్‌ అరోరా (2/21), రబాడ (1/28), అర్షదీప్‌ సింగ్‌ (1/13), ఓడియన్‌ స్మిత్‌ (1/14) బంతితో తమ పాత్రను న్యాయం చేశారు. సీఎస్‌కే ఇన్నింగ్స్‌లో శివమ్‌ దూబే (30 బంతుల్లో 57; 6 ఫోర్లు, 3 సిక్స్‌లు) ఒక్కడే అర్ధ శతకంతో రాణించాడు. 

చదవండి: ఆహా ఏమా షాట్‌.. ! ఐపీఎల్‌ 2022లో భారీ సిక్సర్‌ బాదిన లివింగ్‌స్టోన్

Advertisement
 
Advertisement

తప్పక చదవండి

 
Advertisement