హెల్మెట్‌ ధరించి బస్సు డ్రైవింగ్‌.. కారణం తెలిస్తే షాక్‌! | Sakshi
Sakshi News home page

హెల్మెట్‌ ధరించిన బస్సు డ్రైవర్‌.. చిత్రాలు వైరల్‌

Published Mon, Jul 18 2022 11:37 AM

Utter Pradesh Man Driving Bus Wearing Helmet Video Viral - Sakshi

లక్నో: సాధారణంగా బైక్‌పై వెళ్తే హెల్మెట్‌ ధరిస్తాం. కానీ, కారు, బస్సు, ట్రక్కుల్లో హెల్మెట్‌ ధరించటం ఎప్పుడైనా చూశారా? ఓ డ్రైవర్‌ హెల్మెట్‌ ధరించి బస్సు నడిపిన సంఘటన ఉత్తర్‌ప్రదేశ్‌లోని గాజియాబాద్‌లో జరిగింది. లోని బస్‌ డిపోకు చెందిన ఆ బస్సు డ్రైవర్‌ వీడియో ప్రస్తుతం సామాజిక మాధ్యమాల్లో వైరల్‌గా మారింది. అసలు హెల్మెట్‌ ధరించిన కారణం తెలిస్తే మీరు షాకవుతారు. 

రోడ్డుపై వెళ్తున్న బస్సును ఓ వ్యక్తి వెంబడించి మరీ వీడియో తీశాడు. ఆ దృశ్యాలు నెట్టింట చక్కర్లు కొడుతున్నాయి. ఆ బస్సు రోడ్డు ప్రమాదానికి  గురై అద్దాలు పూర్తిగా పగిలిపోయాయి. దీంతో గాయాలబారిన పడకుండా, వర్షం, గాలి నుంచి రక్షణ కోసం ఇలా డ్రైవర్‌ హెల్మెట్‌ ధరించినట్లు తెలుస్తోంది. ఆదివారం సాయంత్రం లోని బాగ్‌పత్‌ సరిహద్దులో ఈ సంఘటన జరిగింది. ప్రమాదం జరిగిన బస్సును డ్రైవర్‌ అలాగే డిపోకు తీసుకొచ్చినట్లు అధికారులు తెలిపారు. మరో బస్సును ఢీకొట్టటం వల్ల ముందు అద్దాలు పగిలిపోయాయని డ్రైవర్‌ చెప్పినట్లు వెల్లడించారు.

ఇదీ చూడండి: కదులుతున్న ట్రక్కుపై సూపర్‌ హీరోలా ఫీట్లు.. వీడియో వైరల్‌

Advertisement
 
Advertisement