బుడతనాపల్లిలో అగ్ని ప్రమాదం

గంట్యాడ: మండలంలోని బుడతనాపల్లిలో శనివారం మధ్యాహ్నం జరిగిన అగ్ని ప్రమాదంలో గ్రామానికి చెందిన బొమ్మిడి సూరమ్మకు చెందిన పూరిల్లు కాలిపోయింది. ఒక్కసారిగా ఇంటి నుంచి మంటలు వ్యాపించడంతో చుట్టుపక్కల వారు స్పందించి మంటలను ఆర్పారు. అయితే అప్పటికే ఇల్లు పూర్తిగా కాలిపోయింది. ప్రమాద సమయంలో బాధిత మహిళ ఇంటిలో లేకపోవడంతో ప్రాణనష్టం తప్పింది.

‘మళ్లీ విచారణకు రావాలి’

సాలూరు: గిరిజన సంక్షేమ శాఖా మంత్రి గుమ్మిడి సంధ్యారాణి పీఎస్‌ సతీష్‌పై ఫిర్యాదు చేసిన బాధిత మహిళను పోలీసులు విచారించారు. పట్టణ పోలీస్‌స్టేషన్‌లో శుక్రవారం విచారణ చేపట్టి సాయంత్రం వైద్య పరీక్షల నిమిత్తం ఆమెను స్థానిక ఏరియా ఆస్పత్రికి తరలించారు. శనివారం ఉదయం ఆమెను విజయనగరం ప్రభుత్వాస్పత్రికి తరలించి, మళ్లీ వైద్య పరీక్షలు నిర్వహించారు. సాయంత్రం ఆమెను ఇంటికి పంపించి వేసి మళ్లీ విచారణకు హాజరుకావాల్సి ఉంటుందని పోలీసులు తెలిపారు.

వృద్ధురాలి ఆత్మహత్యాయత్నం

వంగర: మండల పరిధి నీలయ్యవలస గ్రామానికి చెందిన సీహెచ్‌ విజయమ్మ (60) గడ్డి మందు తాగి శనివారం ఆత్మహత్యాయత్నానికి పాల్పడింది. స్థానికుల సమాచారం మేరకు.. కుటుంబ కలహాల నేపథ్యంలో పురుగు మందు తాగింది. వెంటనే కుటుంబ సభ్యులు గమనించి 108 వాహనంలో రాజాం ఆస్పత్రికి తరలించారు.

వేర్వేరు రోడ్డు ప్రమాదాల్లో ఇద్దరి మృతి

గుర్ల: మండలంలోని చుక్కపేట, సొలిపిసోమరాజుపేట వద్ద శనివారం జరిగిన రోడ్డు ప్రమాదాల్లో కలవచర్లకు చెందిన నడుపూరు అప్పలనర్సమ్మ (65), చీపురుపల్లికి చెందిన ఇప్పిలి భూషణరావు (48) మృతి చెందారు. నడుపూరు అప్పలనర్సమ్మ తన కుటుంబ సభ్యులతో ద్విచక్ర వాహనంపై వస్తుండగా.. చుక్కపేట వద్దకు వచ్చే సరికి ప్రమాదవశాత్తూ జారి పడిపోయింది. ఈ ప్రమాదంలో తీవ్రంగా గాయపడిన అప్పలనరసమ్మను విజయనగరం ప్రభుత్వాస్పత్రికి తరలించగా.. అక్కడ చికిత్స పొందుతూ కన్నుమూసింది. మరో ప్రమాదంలో చీపురుపల్లికి చెందిన ఇప్పిలి భూషణరావు విజయనగరం నుంచి తన స్వగృహానికి ద్విచక్ర వాహనంపై వస్తుండగా.. సొలిపిసోమరాజు పేట వద్ద వాహనం బోల్తా పడడంతో అక్కడికక్కడే మృతి చెందారు. ఈ ప్రమాదాలపై గుర్ల పోలీసులు కేసులు నమోదు చేసి దర్యాప్తు చేస్తున్నారు.

బుడతనాపల్లిలో అగ్ని ప్రమాదం

బుడతనాపల్లిలో అగ్ని ప్రమాదం