భీమన్న గుట్టను కాపాడాలి

భీమన్న గుట్టను కాపాడాలి

నిర్మల్‌టౌన్‌: జిల్లా కేంద్రంలో అన్యాక్రాంతం అవుతున్న భీమన్నగుట్టను అధికారులు కాపాడాలని ముదిరాజ్‌ కోర్‌ కమిటీ నాయకులు కోరారు. జిల్లా కేంద్రంలోని ఆర్డీవో కార్యాలయం ఎదుట మంగళవారం రిలే నిరాహార దీక్ష చేపట్టారు. ఈ సందర్భంగా వారు మాట్లాడుతూ.. ఎన్నో ఏళ్లుగా భీమన్న గుట్టపై పండ్ల మొక్కలు పెంచుతూ జీవనోపాధి పొందుతున్నామని తెలిపారు. భీమన్న గుట్ట ముదిరాజుల ఆరాధ్య దైవమన్నారు. అలాంటి గుట్ట ఆక్రమణకు గురవుతోందని పేర్కొన్నారు. ఈ విషయంపై ఎన్నిసార్లు అధికారులకు ఫిర్యాదు చేసినా పట్టించుకోవడంలేదని ఆరోపించారు. తక్షణమే అక్కడ జరుగుతున్న పనులు ఆపి, న్యాయం చేయాలని కోరారు. లేదంటే ఆందోళనలు ఉధృతం చేస్తామని హెచ్చరించారు. కార్యక్రమంలో ముదిరాజ్‌ సంఘ నాయకులు యాటకారి సాయన్న, శైలేంద్ర శివయ్య, దినేశ్‌, హరీశ్‌, సైదు, జిల్లా ముదిరాజ్‌ కోర్‌ కమిటీ సభ్యులు తదితరులు పాల్గొన్నారు.