Tillu Square Box Office Collection: బాక్సాఫీస్‌ని షేక్‌ చేస్తున్న ‘టిల్లుగాడు’ | Siddhu Jonnalagadda Tillu Square Movie Day 1 Worldwide Box Office Collections Details Inside - Sakshi
Sakshi News home page

Tillu Square Box Office Collections: బాక్సాఫీస్‌ని షేక్‌ చేస్తున్న ‘టిల్లుగాడు’

Published Sat, Mar 30 2024 12:53 PM | Last Updated on Sat, Mar 30 2024 2:49 PM

Tillu Square Box Office Collection Day 1 Details - Sakshi

లేట్‌‌‌‌గా వచ్చినా లేటెస్ట్‌‌‌‌గా వచ్చినంటోన్నాడు సిద్దు జొన్నలగడ్డ. ఆయన హీరోగా నటించిన తాజా చిత్రం ‘టిల్లు స్వ్కేర్‌’. మార్చి 29న ప్రేక్షకుల ముందుకు వచ్చిన ఈ చిత్రం తొలి రోజే హిట్‌ టాక్‌ సంపాదించుకుంది. టిల్లుగాడి మ్యానరిజం, పంచ్‌ డైలాగ్స్‌కి సినీ ప్రేక్షకులు మరోసారి ఫిదా అయ్యారు. ఫలితంగా తొలిరోజు భారీ కలెక్షన్స్‌ వసూలు చేసింది. ప్రపంచ వ్యాప్తంగా ఈ చిత్రానికి ఫస్ట్‌డే రూ.23.7 కోట్ల గ్రాస్‌ కలెక్షన్స్‌ వచ్చినట్లు నిర్మాణ సంస్థ సితార ఎంటర్‌టైన్‌మెంట్స్‌ అధికారికంగా ‍ప్రకటించింది.

(చదవండి:  ‘టిల్లు స్వ్కేర్‌’ మూవీ రివ్యూ)

అలాగే అమెరికాలో ఈ చిత్రం తొలిరోజు 1 మిలియన్‌ డాలర్స్‌కి పైగా వసూళ్లను రాబట్టింది. హిట్‌ టాక్‌ రావడంతో వీకెండ్‌లో కలెక్షన్స్‌ మరింత పెరిగే అవకాశం ఉందని సినీ పండితులు అంచనా వేస్తున్నారు. ఈ సినిమా కచ్చితంగా రూ. 100 కోట్లకు పైగా వసూలు చేస్తుందని నిర్మాత నాగవంశీ ధీమా వ్యక్తం చేస్తున్నారు. 2022లో వచ్చిన డీజే టిల్లు చిత్రానికి కొనసాగింపుగా వచ్చిన చిత్రమే ‘టిల్లు స్వ్కేర్‌’. మల్లిక్‌ రామ్‌ దర్శకత్వం వహించిన ఈ చిత్రంలో అనుపమ పరమేశ్వరన్‌ హీరోయిన్‌గా నటించింది. 

No comments yet. Be the first to comment!
Add a comment
Advertisement
Advertisement
 
Advertisement
 
Advertisement