TV
బిగ్గర్‌.. బెటర్‌.. స్ట్రాంగర్‌
ప్రముఖ నటుడు, నిర్మాత రానా దగ్గుబాటి కొన్నాళ్ల పాటు సామాజిక మాధ్యమానికి(సోషల్‌ మీడియా) బ్రేక్‌ ఇవ్వాలనుకుంటున్నారు. ఈ విషయాన్ని రానా శుక్రవారం సోషల్‌ మీడియా ద్వారా షేర్ చేశారు. ‘‘పని జరుగుతోంది. సోషల్‌ మీడియా నుంచి కాస్త విశ్రాంతి తీసుకోవాలనుకుంటున్నాను. సినిమాలతో కలుద్దాం. బిగ్గర్‌.. బెటర్‌.. స్ట్రాంగర్‌’ అంటూ ట్వీట్‌ చేసి అభిమానులకు షాకిచ్చాడు.
(చదవండి: ఆ బాధకు కారణం తెలియదు..ఆత్మహత్య చేసుకోవాలనుకున్నా: దీపికా పదుకోన్‌)
ఇటీవల ‘విరాటపర్వం’తో ప్రేక్షకులను పలకరించాడు రానా. వేణు ఊడుగుల దర్శకత్వం వహించిన ఈ చిత్రంలో కామ్రేడ్‌ రవన్నగా రానా కనిపించాడు. ఈ చిత్రం తర్వాత రానా నుంచి ఎలాంటి అప్‌డేట్‌ రాలేదు. అయితే ఇప్పటికే రానా దర్శకుడు గుణశేఖర్‌తో ‘హిరణ్య కశ్యప’, దర్శకుడు మిలింద్‌ రావుతో ఓ సినిమాకు గ్రీన్‌సిగ్నల్‌ ఇచ్చిన సంగతి తెలి సిందే. అలాగే ‘కోడిరామ్మూర్తి’ బయోపిక్, తేజ దర్శకత్వంలో రానా ఓ సినిమా చేయనున్నారని ప్రచారం జరుగుతోంది. ఇక వెంకటేశ్, రానా కలిసి నటించిన ‘రానా నాయుడు’ వెబ్‌ సిరీస్‌ త్వరలో నెట్‌ ఫ్లిక్స్‌లో స్ట్రీమింగ్‌ కానుంది.
— Rana Daggubati (@RanaDaggubati) August 5, 2022
