First look from Ram Charan's 'Game Changer' is released - Sakshi
Sakshi News home page

Game Changer First Look: చెర్రీ ఫ్యాన్స్‌కు డబుల్ ధమాకా.. 'గేమ్ ఛేంజర్' ఫస్ట్‌ లుక్ పోస్టర్ రిలీజ్

Published Mon, Mar 27 2023 3:51 PM

Ram Charan Game Changer Movie First Look Poster Release - Sakshi

గ్లోబర్ స్టార్ రామ్ చరణ్, కియారా అద్వానీ జంటగా నటిస్తున్న మూవీ 'గేమ్ ఛేంజర్'. ఈ చిత్రానికి శంకర్ దర్శకత్వం వహిస్తున్నారు.  శ్రీ వెంక‌టేశ్వ‌ర సినీ క్రియేష‌న్స్ బ్యాన‌ర్‌పై భారీ బడ్జెట్‌తో దిల్‌ రాజు ఈ చిత్రాన్ని నిర్మిస్తున్నారు. సోమవారం మార్చి 27న రామ్‌చరణ్‌ పుట్టినరోజు సందర్భంగా చెర్పీ అభిమానులకు డబుల్ సర్‌ప్రైజ్‌ ఇచ్చింది. ఫ్యాన్స్ ఎంతో ఆసక్తిగా చూస్తున్న ఈ చిత్రానికి సంబంధించిన ఫస్ట్‌ లుక్ పోస్టర్‌ను మేకర్స్‌ రిలీజ్ చేశారు. దీంతో ఇప్పటికే టైటిల్‌ను కూడా రివీల్ చేశారు. శ్రీ వెంక‌టేశ్వ‌ర సినీ క్రియేష‌న్స్ బ్యాన‌ర్ ఈ మూవీని నిర్మిస్తోంది. భారీ బ‌డ్జెట్‌తో నిర్మాత‌లు దిల్ రాజు, శిరీష్ అన్ కాంప్ర‌మైజ్డ్‌గా అంచ‌నాల‌కు ధీటుగా గేమ్ చేంజ‌ర్‌ను నిర్మిస్తున్నారు.

గేమ్‌ ఛేంజర్‌ మూవీ ఫస్ట్ లుక్ పోస్టర్‌ చూస్తే రామ్ చరణ్‌ బైక్‌పై కళ్లద్దాలు పెట్టుకుని కూర్చొని ఉన్న లుక్ అదిరిపోయింది. తాజా పోస్టర్‌ను చూసిన మెగా ఫ్యాన్స్ ఫుల్ ఖుషీ అవుతున్నారు. ఇప్పటికే టైటిల్ రివీల్ చేయడంతో చెర్రీ అభిమానులు పండగ చేసుకుంటున్నారు. ఇవాళ రామ్ చరణ్ బర్త్‌డే సందర్భంగా ఫ్యాన్స్‌కు డబుల్ ధమాకా ఇచ్చారు డైరెక్టర్ శంకర్. రామ్ చ‌ర‌ణ్ పుట్టిన‌రోజు సంద‌ర్భ‌ంగా గేమ్ చేంజ‌ర్ టైటిల్, ఫస్ట్ లుక్‌ను చిత్ర యూనిట్ రిలీజ్ చేసింది. మెగా ప‌వ‌ర్‌స్టార్ ఇమేజ్‌కు త‌గ్గ  టైటిల్‌ను స్టార్ డైరెక్ట‌ర్ శంక‌ర్ ఖ‌రారు చేశారు. టైటిల్, ఫస్ట్ లుక్‌కు అభిమానుల నుంచి విపరీతమైన రెస్పాన్స్ వస్తోంది. కాగా.. ఈ చిత్రంలో అంజ‌లి, సముద్ర‌ఖ‌ని, ఎస్‌.జె.సూర్య‌, శ్రీకాంత్‌, సునీల్‌, న‌వీన్ చంద్ర త‌దిత‌రులు ప్రధాన పాత్రల్లో నటిస్తున్నారు.

Advertisement
 

తప్పక చదవండి

Advertisement