Pushpa Movie: 'పుష్ప' సినిమా రెండో భాగం టైటిల్‌ రివీల్‌ !

Pushpa Movie Second Part Title Leaked: స్టైలిష్‌ స్టార్‌ అల్లు అర్జున్‌ తొలిసారిగా నటిస్తున్న పాన్ ఇండియా మూవీ 'పుష‍్ప: ది రైజ్‌'. ఆర్య, ఆర్య-2 చిత్రాల తర్వాత అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబోలో వస్తున్న హ్యాట్రిక్‌ చిత్రం పుష్ప. డిసెంబర్‌ 17న విడుదలకానున్న ఈ సినిమాపై అంచనాలు భారీగా ఉన్నాయి. నేషనల్ క్రష్‌ రష్మిక మందన్నా హీరోయిన్‌గా చేస్తున్న ఈ చిత‍్రంలో హీరో, కమెడియన్‌, క్యారెక్టర్‌ ఆర్టిస్ట్‌లు పుష్పరాజ్‌కు విలన్లుగా నటించడం విశేషం. అయితే పుష్ప మూవీ రెండు భాగాలుగా తెరకెక్కిన విషయం తెలిసిందే. 

ఈ చిత్రం ఫస్ట్‌ పార్ట్‌ని 'పుష్ప: ది రైజ్‌' పేరుతో విదలైంది. వచ్చే ఏడాది రెండో భాగం రానుంది. అయితే సెకండ్ పార్ట్‌కు ఏ పేరు పెడతారో అని బన్నీ అభిమానులు, సినీ ప్రేక్షకుల్లో ఎప్పటినుంచో ఆసక్తిగా ఎదురుచూస్తున్నారు. ఈ మేరకు పుష్ప సెకండ్‌ పార్ట్‌ సినిమా పేరును రివీల్‌ చేశాడు దర్శకుడు సుకుమార్‌. రెండో భాగం పేరును "పుష‍్ప: ది రైజ్' సినిమా చివర్లో చెప్పేశాడు. ఈ సెకండ్‌ పార్ట్‌కు 'పుష్ప: ది రూల్‌' అని ఖరారు చేసినట్లు సమాచారం. ప్రస్తుతం ఈ టైటిల్‌ సోషల్ మీడియాలో హల్‌చల్‌ చేస్తోంది. పుష్ప ది రైజ్‌తోనే మాస్‌ ప్రేక్షకులను ఉర్రూతలూగిస‍్తున్న బన్నీ సెకండ్‌ పార్టులో తన రూలింగ్‌తో మరింత డోస్‌ పెంచనున్నట్లు తెలుస్తోంది.