పదేళ్లు కాంగ్రెస్‌కు ధోకా లేదు

మునిపల్లి(అందోల్‌): ఆరోగ్య శాఖ మంత్రి దామోదర రాజనర్సింహను గోపులారం సర్పంచ్‌ బుడ్డ మల్లేశం, ఉపసర్పంచ్‌ బుర్కల లలిత, వార్డు సభ్యులు కలిశారు. మంగళవారం మండలంలోని పెద్దగోపులారం మాజీ ఎంపీటీసీ పాండు ఆధ్వర్యంలో మంత్రి నివాసంలో సమావేశమైన వీరు.. గ్రామాభివృద్ధికి నిధులు మంజూరు చేయాలని కోరారు. ఇందుకు మంత్రి సానుకులంగా స్పందించారు. వచ్చే ఎంపీటీసీ, జెడ్పీటీసీ ఎన్నికల్లో అభ్యర్థులను భారీ మెజార్టీతో గెలిపించే బాధ్యత నూతన సర్పంచులపై ఉంటుందన్నారు. సంగారెడ్డి: నూతనంగా ఎంపికై న సర్పంచ్‌లు ఎల్లవేళలా ప్రజలకు అందుబాటులో ఉండాలని మంత్రి దామోదర రాజనర్సింహ సూచించారు. పుల్కల్‌, చౌటకూర్‌ మండలాల్లోని వివిధ గ్రామాల్లో గెలుపొందిన సర్పంచ్‌లు సంగారెడ్డిలోని మంత్రి నివాసంలో మర్యాదపూర్వకంగా కలిశారు. ఈ సందర్భంగా మంత్రి మాట్లాడుతూ.. చౌటకూర్‌ మండలంలో 15 పంచాయతీలకు 13 సర్పంచ్‌ స్థానాలు, పుల్కల్‌ మండలంలో 19 పంచాయతీలకు 12 సర్పంచ్‌ పదవులను కాంగ్రెస్‌ మద్దతుదారులు కై వసం చేసుకోవడం పట్ల సంతప్తి వ్యక్తం చేశారు. సర్పంచ్‌లు ప్రజల ఆకాంక్షలకు అనుగుణంగా నడుచుకుంటూ గ్రామానికి, ప్రభుత్వానికి మంచి పేరు తేవాలని కోరారు. గ్రామాల్లో మౌలిక వసతులు కల్పించే బాధ్యత సర్పంచులదేనని పేర్కొన్నారు. మంత్రిని కలిసిన వారిలో ఎంపీపీ మాజీ అధ్యక్షుడు భూంరెడ్డి సుభాష్‌ రెడ్డి ,మల్లికార్జున్‌ కొల్కూరి మొగులయ్య తదితరులు పాల్గొన్నారు.