● సమీకృత మార్కెట్‌ నిర్మాణంలో తీవ్ర జాప్యం ● మూడేళ్లుగా నిలిచిపోయిన పనులు ● అమ్మకందారులకు ఇబ్బందులు

● సమీకృత మార్కెట్‌ నిర్మాణంలో తీవ్ర జాప్యం ● మూడేళ్లుగా నిలిచిపోయిన పనులు ● అమ్మకందారులకు ఇబ్బందులు ● సమీకృత మార్కెట్‌ నిర్మాణానికి పట్టణంలో ప్రభుత్వ స్థలం అందుబాటులో లేకపోవడంతో మెట్‌పల్లి ఖాదీ ప్రతిష్టాన్‌కు చెందిన స్థలాన్ని లీజుకు తీసుకున్నారు. ● మార్కెట్‌ నిర్మాణం కోసం ప్రభుత్వం రూ.6.50కోట్లు మంజూరు చేయగా.. 2021 జూన్‌లో ఇందుకు సంబంధించిన పనులకు శ్రీకారం చుట్టారు. ● మూడేళ్ల క్రితం సంబంధిత కాంట్రాక్టర్‌ ఈ పనులను అర్ధాంతరంగా నిలిపివేశారు. అప్పటినుంచి ఇప్పటి వరకు ఒక్క అడుగు కూడా ముందుకు సాగకపోవడం గమనార్హం. ● మార్కెట్‌ నిర్మాణ పనులు పూర్తి కాకపోవడానికి బిల్లుల చెల్లింపుల్లో జాప్యమే కారణమని అధికారులు చెబుతున్నారు. ● గత బీఆర్‌ఎస్‌ ప్రభుత్వ హయాంలోనే ఈ పనులు అర్ధాంతరంగా నిలిచిపోయాయి. ఆ తర్వాత అధికారంలోకి వచ్చిన కాంగ్రెస్‌ ప్రభుత్వం ఇంతవరకు వీటిపై దృష్టి సారించకపోవడంతో ‘ఎక్కడ వేసిన గొంగళి అక్కడే’ అన్నట్లు పనుల పరిస్థితి నెలకొంది. ● ఎమ్మెల్యే కల్వకుంట్ల సంజయ్‌ అసెంబ్లీ సమావేశాల్లో పలుమార్లు ఈ సమస్యను ప్రభుత్వం దృష్టికి తీసుకెళ్లి అవసరమైన నిధులు మంజూరు చేయాలని కోరారు. కానీ ప్రభుత్వం ఏమాత్రం స్పందించడం లేదు. ● సమీకృత మార్కెట్‌ నిర్మాణ పనులు పూర్తి కాకపోవడంతో కూరగాయల విక్రయదారులకు ఇబ్బందులు తప్పడం లేదు. ● ప్రస్తుతం వేసవి కాలం కావడంతో ఎండలోనే రోడ్ల పక్కన కూరగాయలను విక్రయించాల్సిన దుస్థితిని ఎదుర్కొంటున్నారు. ● విక్రయదారుల్లో ఎక్కువగా మహిళలు ఉన్నారు. వారి కోసం అందుబాటులో పబ్లిక్‌ టాయిలెట్లు లేవు. ● ఇలా అనేక సమస్యలతో విక్రయదారులు అవస్థలు పడుతున్నారు. ప్రభుత్వం స్పందించి సమీకృత మార్కెట్‌ నిర్మాణ పనులను పూర్తి చేయాలని వారు కోరుతున్నారు.