మెట్‌పల్లి పీఠం ‘హస్త’గతం

● కాంగ్రెస్‌కు నలుగురు స్వతంత్రులు, ఒక బీజేపీ కౌన్సిలర్‌ మద్దతు ● అత్యధిక స్థానాలు గెలుచుకున్నా పీఠాన్ని దక్కించుకోలేకపోయిన కమలం ● తటస్థంగా ఉన్న బీఆర్‌ఎస్‌ ● మున్సిపల్‌ సమావేశ మందిరంలో చైర్మన్‌, వైస్‌చైర్మన్ల ఎన్నిక నిర్వహించారు. ● స్పెషలాఫీసర్‌, ఆర్డీవో శ్రీనివాస్‌ ఆధ్వర్యంలో ఎన్నిక ఆద్యంతం ఉత్కంఠగా సాగింది. ● ఉదయం 11గంటలకు ప్రారంభమైన సమావేశంలో మొదట బీజేపీ, కాంగ్రెస్‌, బీఆర్‌ఎస్‌లతో పాటు ఇండిపెండెంట్‌ కౌన్సిలర్లతో ఆర్డీఓ ప్రమాణం చేయించారు. ● చైర్మన్‌ పదవికి కాంగ్రెస్‌ నుంచి మైలారపు లింబాద్రి, బీజేపీ నుంచి ధర్మపురి స్వరూప, బీఆర్‌ఎస్‌ తరఫున పూదరి జ్యోతి బరిలో నిలిచారు. ● లింబాద్రికి ఆరుగురు కాంగ్రెస్‌, నలుగురు ఇండిపెండెంట్లు, బీజేపీ కౌన్సిలర్‌ చేతులెత్తి మద్దతు తెలిపారు. ● ధర్మపురి స్వరూపకు చెట్లపల్లి మీనా మినహా మిగతా తొమ్మిది మంది మద్దతు వ్యక్తం చేశారు. ● పూదరి జ్యోతికి ఆరుగురు బీఆర్‌ఎస్‌ కౌన్సిలర్లు, ఎక్స్‌అఫీషియోగా ఉన్న ఎమ్మెల్యే కల్వకుంట్ల సంజయ్‌ మద్దతు ఇచ్చారు. ● ముగ్గురిలో లింబాద్రికి అత్యధికంగా 11మంది మద్దతు ఉండడంతో ఆయన చైర్మన్‌గా ఎన్నికై నట్లు ప్రకటించారు. ● వైస్‌చైర్మన్‌ పదవికి కాంగ్రెస్‌ నుంచి ఓంకార్‌ నవీన్‌, బీజేపీ నుంచి పుడుకారం దివ్యారెడ్డి, బీఆర్‌ఎస్‌ నుంచి అంగడి పురుషోత్తం పోటీ చేశారు. ● నవీన్‌కు ఆరుగురు కాంగ్రెస్‌ కౌన్సిలర్లు, నలుగురు ఇండిపెండెంట్లు మద్దతు ఇచ్చారు. ● చైర్మన్‌ ఎన్నికలో కాంగ్రెస్‌కు మద్దతు ఇచ్చిన మీనా.. వైస్‌చైర్మన్‌ ఎన్నికల్లో తటస్థంగా ఉన్నారు. ● దివ్యారెడ్డికి తొమ్మిది మంది బీజేపీ కౌన్సిలర్లు, పురుషోత్తంకు ఆరుగురు బీఆర్‌ఎస్‌ కౌన్సిలర్లు, ఎమ్మెల్యే సంజయ్‌ మద్దతు తెలిపారు. ● నవీన్‌కు మెజార్టీ సభ్యుల మద్దతు దక్కడంతో ఆయన వైస్‌చైర్మన్‌గా ఎన్నికయ్యారు.