అటకెక్కిన డెత్‌ ఆడిట్‌

ఆదివారం శ్రీ 16 శ్రీ నవంబర్‌ శ్రీ 2025 అటకెక్కిన డెత్‌ ఆడిట్‌ ● జీజీహెచ్‌ వైద్యాధికారుల నిర్లక్ష్యం ● సమావేశాలు నిర్వహించని ఇన్‌ఫెక్షన్‌ కంట్రోల్‌ కమిటీ గుంటూరు మెడికల్‌: పేదల పెద్దాసుపత్రిగా పేరు గడించిన గుంటూరు జీజీహెచ్‌ అధికారులు విధుల్లో నిర్లక్ష్యంగా వ్యవహరిస్తున్నారు. కీలకమైన సమీక్షలు చేయకుండా కాలయాపన చేస్తున్నారు. ఉమ్మడి తెలుగు రాష్ట్రాల్లోని ఏడు జిల్లాల నుంచి రోగులు జీజీహెచ్‌కు వస్తుంటారు. చికిత్స పొందుతూ ఎవరైనా చనిపోతే వారు ఎందుకు చనిపోయారో కారణాలు తెలియక బంధువులు ఆస్పత్రిపై నెగిటివ్‌ ఆలోచనతో ఉంటారు. డెత్‌ ఆడిట్‌ నిర్వహించి మృతికి కారణాలను ఆస్పత్రి అధికారులు తెలుసుకోవాలి. మృతుడి బంధువులకు వాటిని తెలియజేయడం వల్ల ఆస్పత్రిపై పాజిటివ్‌ ఆలోచనతోపాటుగా అధికారులపై కూడా గౌరవం పెరుగుతుంది. దీనికి మంగళం పాడేశారు. గతంలో ప్రతి నెలా డెత్‌ ఆడిట్‌ చేసేవారు. సూపరింటెండెంట్‌ కార్యాలయంలో ఆయా వైద్య విభాగాధిపతులు, ప్రొఫెసర్లు, అసోసియేట్లు, అసిస్టెంట్‌ ప్రొఫెసర్లు, వైద్యులు, వైద్యాధికారులు ఈ సమీక్షలో పాల్గొనేవారు. రోగికి అందించిన చికిత్స, వైద్య సౌకర్యాల గురించి వివరించేవారు. ఆస్పత్రి అధికారుల ఉదాసీనత గుంటూరు జీజీహెచ్‌లో పలు స్పెషాలిటీ వైద్య విభాగాలు ఉన్నాయి. వ్యాధుల నిర్ధారణలో ఎంతో కీలకమైన బయోకెమిస్ట్రీ, పెథాలజీ, మైక్రోబయాలజీ, ఫార్మకాలజీ, ఫిజియాలజీ వంటి వైద్య విభాగాలు సైతం గుంటూరు వైద్య కళాశాల, జీజీహెచ్‌ సంయుక్త ఆధ్వర్యంలో నడుస్తున్నాయి. అత్యంత అరుదైన సర్జరీలు చేస్తూ ప్రాణాలు కాపాడుతున్న పేరు గాంచిన సర్జన్లు, సూపర్‌ స్పెషలిస్టులు, క్లిష్టమైన కాన్పులు చేస్తూ తల్లీబిడ్డలకు నూతన జీవితాలను ఇస్తున్న వైద్యులు పలువురు ఇక్కడ ఉన్నారు. ఆస్పత్రిపై నమ్మకంతో ప్రతి రోజూ పెద్దసంఖ్యలో రోగులు వస్తుంటారు. ఒక్కోసారి కొంత మంది వైద్యులు చేసే తప్పిదాలకు, వైద్య సౌకర్యాల కొరత వల్ల, వైద్య పరికరాలు పనిచేయకపోవటం వల్ల, మందులు, సర్జికల్‌ వస్తువులు సకాలంలో అందుబాటులో లేకపోవటం వల్ల చికిత్స పొందుతూ కొంత మంది మరణిస్తుంటారు. వీటిపై డెత్‌ ఆడిట్‌ నిర్వహిస్తే భవిష్యత్తులో మరలా అలాంటి సమస్యలు, కారణాలతో మరణాలు జరగకుండా నివారించే అవకాశాలు ఉన్నాయి. కాని ఆస్పత్రి అధికారుల ఉదాసీనత, నిర్లక్ష్యధోరణితో డెట్‌ ఆడిట్‌ ఆటకెక్కింది. సాగర్‌ నీటి మట్టం వివరాలు

న్యూస్‌రీల్‌

డెత్‌ ఆడిత్‌ ఎంతో కీలకం

డెత్‌ ఆడిట్‌తో మరోసారి అలాంటి మరణాలు సంభవించకుండా జాగ్రత్తలు తీసుకోవచ్చు. ఆస్పత్రితో పాటు వైద్యులు, సిబ్బంది లోపాలను చెక్‌ చేసుకుని వాటిని సరిచేసి, మరో మరణం సంభవించకుండా నివారించవచ్చు. రోగి బంధువులకు కూడా సందేహాలు తొలగిపోతాయి. నెగిటివ్‌ ఆలోచన లేకుండా మరణంపై ఆందోళనలు చేయకుండా ఇళ్లకు వెళ్తారు. ఇంత కీలకమైన డెత్‌ ఆడిట్‌ను ఆస్పత్రి అధికారులు చేయకుండా మిన్నకుండి పోతున్నారు.

ప్రతిరోజూ 20కి పైగా మరణాలు

గుంటూరు జీజీహెచ్‌లో ప్రతిరోజూ చికిత్స పొందుతూ 20 మందికి పైగా రోగులు చనిపోతున్నారు. కొంత మంది వైద్య విభాగాధిపతులు మొక్కుబడిగా వార్డుల్లో డెత్‌ ఆడిట్‌ చేస్తున్నామంటూ సమావేశాలు నిర్వహించి చేతులు దులుపుకుంటున్నారు. మరణాల తగ్గింపులో కీలకమైనది ఇన్‌ఫెక్షన్‌ కంట్రోల్‌. గతంలో ప్రతినెలా కమిటీ సమావేశాలు నిర్వహించి తగ్గించేందుకు ప్రణాళిక సిద్ధం చేసేది. ఐసీయూ, ఎన్‌ఐసీయూ వంటి కీలక వైద్య విభాగాల్లో ఇన్‌ఫెక్షన్‌ కంట్రోల్‌లో ఉంచడం ద్వారా మరణాలను చాలా వరకు తగ్గించ్చవచ్చు. ఆసుపత్రి అధికారులు ఇప్పటికై నా స్పందించి డెత్‌ ఆడిట్‌, ఇన్‌ఫెక్షన్‌ కంట్రోల్‌ కమిటీ సమావేశాలు నిర్వహించి మరణాల తగ్గింపునకు కృషి చేయాల్సిన అవసరం ఎంతైనా ఉంది.

అమ్మవారికి బంగారు హారం

వెంకయ్య స్వామి ఆరాధన

నరేంద్ర స్వామికి అన్నాభిషేకం