మార్కెట్‌ కమిటీలు డీలా..

కొరిటెపాడు(గుంటూరు): వివిధ రకాల ఫీజుల వసూలులో మార్కెట్‌ కమిటీలు డీలా పడ్డాయి. జిల్లాలోని తెనాలి, దుగ్గిరాల, గుంటూరు, పొన్నూరు, ప్రత్తిపాడు మార్కెట్‌ యార్డుల పరిస్థితి కొంత మేర మెరుగ్గానే ఉన్నా.. మిగిలిన తాడికొండ, ఫిరంగిపురం, మంగళగిరి మార్కెట్‌ కమిటీలు బాగా వెనుకబడ్డాయి.. ● గుంటూరు జిల్లాలో ఉన్న 8 మార్కెట్‌ కమిటీలు, వాటి పరిధిలో ఉన్న 15 చెక్‌ పోస్టుల ద్వారా ప్రస్తుత ఆర్థిక సంవత్సరానికి వివిధ రకాల ఫీజులు, అద్దెలు, సంతల ద్వారా రూ.146.31 కోట్లు వసూలు చేయాలని దిశానిర్దేశనం చేశారు. ● అక్టోబర్‌ నెల చివరి నాటికి అంటే ఏడు నెలల కాలానికి 37.38 శాతంతో రూ.54.69 కోట్లు వసూలయ్యాయి. ● రూ.42.91 కోట్లు గుంటూరు మార్కెట్‌ కమిటీ నుంచి వసూలు కాగా, మిగిలిన ఏడు మార్కెట్‌ కమిటీల ద్వారా కేవలం రూ.11.78 కోట్లు వసూలు కావడం పరిశీలించదగిన అంశం. ● గుంటూరు మార్కెట్‌ కమిటీ లక్ష్యం రూ.115 కోట్లు కాగా ఇప్పటి వరకు 37.31 శాతంతో రూ.42.91 కోట్లు సాధించారు. ● తెనాలి లక్ష్యం 7.65 కోట్లు కాగా 47.45 శాతంతో రూ.3.63 కోట్లు వసూలు చేసి అగ్రస్థానంలో కొనసాగుతోంది. ● దుగ్గిరాల లక్ష్యం 3.75 కోట్లు కాగా 42.72 శాతంతో రూ.1.60 కోట్లు, పొన్నూరు లక్ష్యం రూ.8.38 కోట్లు కాగా 40.13 శాతంతో రూ.3.36 కోట్లు వసూలు చేసింది. ● ప్రత్తిపాడు లక్ష్యం రూ.4.45 కోట్లు కాగా 37.82 శాతంతో రూ.1.68 కోట్లు, ఫిరంగిపురం లక్ష్యం రూ.1.88 కోట్లు కాగా 19.53 శాతంతో రూ.0.37 కోట్లు మాత్రమే వసూలు చేశాయి. ● మంగళగిరి లక్ష్యం రూ.3.03 కోట్లు కాగా 33.96 శాతంతో రూ.1.03 కోట్లు, తాడికొండ లక్ష్యం రూ.2.17 కోట్లు కాగా 5 శాతంతో రూ.0.11 కోట్లు మాత్రమే వసూలు చేశాయి. ● గత ఏడాది ఇదే సమయానికి రూ.65.94 కోట్లు మార్కెట్‌ ఫీజు వసూలు చేయగా, ఈ ఏడాది రూ.54.69 కోట్లు మాత్రమే వసూలు చేయడం గమనార్హం. ● గత ఆర్థిక సంవత్సరం కన్నా ఈ ఏడాది మార్కెట్‌ ఫీజు వసూలు రూ.11.25 కోట్లు తగ్గడం విశేషం. ● లక్ష్య సాధన దిశగా నడిపించడంలో ఆర్జేడీ, డీడీఎం, ఏడీఎంలు ఉదాసీనంగా వ్యవహరిస్తున్నారనే విమర్శలు వ్యక్తమవుతున్నాయి.