US Consulate Invites Applications for Women Entrepreneurship Program - Sakshi
Sakshi News home page

Women Entrepreneurship : మహిళా వ్యాపారవేత్తల కోసం గుడ్‌న్యూస్‌.. ఈ ట్రైనింగ్‌ మీకోసమే

Published Tue, Jun 27 2023 5:27 PM

Us Consulate Invites Application For Women Entrepreneurship Program - Sakshi

మహిళా పారిశ్రామికవేత్తలను ప్రోత్సహించేందుకు యూఎస్‌ కాన్సులేట్‌ అకాడమీ ఫర్ ఉమెన్ ఎంట్రప్రెన్యూర్స్ ప్రోగ్రామ్(AWE)చక్కటి అవకాశం కల్పిస్తోంది. యూఎస్‌ పూర్వవిధ్యార్థులతో ఇన్‌-క్లాస్‌ డిస్కషన్‌, మెంటరింగ్‌ వంటి ట్రైనింగ్‌ సెషన్‌ను నిర్వహిస్తుంది. యుఎస్ కాన్సులేట్ జనరల్ సహకారంతో కళింగ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ, టెక్నాలజీ బిజినెస్ ఇంక్యుబేటర్స్ (KIIT-TBI) సంయుక్తంగా ఈ ప్రొగ్రామ్‌ను నిర్వహిస్తుంది.అయితే ఈ ట్రైనింగ్‌ సెషన్‌కు హాజరు కావాలంటే అభ్యర్థులు జూన్‌ 30లోగా దరఖాస్తు చేసుకోవాల్సి ఉంటుంది.

వరంగల్, భువనేశ్వర్, విశాఖపట్నం, తిరుపతి వంటి నాలుగు నగరాల్లో మొత్తం 100 మంది ఔత్సాహిక, మహిళా పారిశ్రామికవేత్తలను గుర్తించి వారికి అకాడమీ ఫర్ ఉమెన్ ఎంట్రప్రెన్యూర్‌ ఈ ట్రైనింగ్‌ సెషన్‌ను అందిస్తుంది. ప్రతి లొకేషన్‌లో 25మంది పాల్గొనొచ్చు. కాబట్టి అభ్యర్థులు ముందుగానే ఆన్‌లైన్‌లో తమ పేరును రిజిస్టర్‌ చేసుకోవాల్సి ఉంటుంది. 

ఎవరెవరు ఈ ట్రైనింగ్‌కు అర్హులు?
♦ ట్రైనింగ్‌ సెషన్‌కు హాజరయ్యే వాళ్ల మహిళల వయసు 18-50 ఏళ్ల మధ్య ఉండాలి.
♦ అప్లికేషన్‌ను జూన్‌ 30లోగా ఆన్‌లైన్‌లో రిజిస్టర్‌ చేసుకోవాలి.
♦ అభ్యర్థులు డిగ్రీ పూర్తి చేసి ఉండాలి. చివరి సంవత్సరం చదవుతున్న వాళ్లు కూడా అప్లై చేసుకోవచ్చు
♦ ముందుగానే ఏ బిజినెస్‌ చేయాలి? ఎలా చేయాలి వంటివాటిపై అవగాహన కలిగి ఉండాలి.

అప్లికేషన్ ఆన్‌లైన్‌లో https://awe.kiitincubator.inలో అందుబాటులో ఉంది. పూర్తి సమాచారం కోసం https://forms.gle/zqSFnhZ6veNq7JQV7 వెబ్‌సైట్‌ను వీక్షించండి.

Advertisement
 
Advertisement