TV
శక్తి యాప్‌ను సద్వినియోగం చేసుకోవాలి
బాపట్లటౌన్‌: శక్తియాప్‌ను ప్రతి ఒక్కరూ సద్వినియోగం చేసుకోవాలని ఎస్పీ తుషార్‌ డూడీ తెలిపారు. మహిళల భద్రత కోసం రూపొందించిన శక్తి యాప్‌ ఆవశ్యకత, వినియోగం దానిలో నిక్షిప్తం చేయబడిన పలు అంశాల గురించి మంగళవారం జిల్లాలోని ఆయా పోలీస్‌స్టేషన్ల పరిధిలోని మహిళలకు విస్తృతంగా అవగాహన కల్పించారు. ఎస్పీ తుషార్‌ డూడీ మాట్లాడుతూ జిల్లాలోని శక్తి బృందాలు జిల్లాలోని కోచింగ్‌ సెంటర్స్‌, ఫ్యాక్టరీలు, మాల్స్‌, బస్టాండ్లు, రైల్వే స్టేషన్లు ఇతర కార్యాలయాలు, జన సమూహం ఉండే ఇతర ప్రదేశాలతోపాటు జిల్లాలోని పలు ముఖ్యమైన ప్రాంతాల్లో మహిళలకు అవవగాహన కల్పించారు. మహిళలకు శక్తి యాప్‌ను ఏ విధంగా వారి మొబైల్‌ ఫోన్లో డౌన్లోడ్‌ చేసుకోవాలి, వినియోగించే విధానం, యాప్‌లో పొందుపరచబడి ఉన్న విస్తృతమైన సమాచారం గురించి వివరించినారు. వాటితోపాటు గుడ్‌ టచ్‌, బ్యాడ్‌ టచ్‌, బాల్య వివాహాల నిషేధ చట్టం, సైబర్‌ నేరాలు, ఫోక్సో చట్టం, వివిధ హెల్ప్‌ లైన్‌ నెంబర్లు వాటిని వినియోగించుకునే విధానంపై అవగాహన కల్పించారు.
జిల్లా ఎస్పీ తుషార్‌ డూడీ
