కేజీహెచ్‌సూపరింటెండెంట్‌గా వాణి

కేజీహెచ్‌సూపరింటెండెంట్‌గా వాణి

మహారాణిపేట: కేజీహెచ్‌ నూతన సూపరింటెండెంట్‌గా డాక్టర్‌ ఐ. వాణి నియమితులయ్యారు. ఇటీవల వైద్య ఆరోగ్యశాఖలో అడిషనల్‌ డైరెక్టర్‌ మెడికల్‌ ఎడ్యుకేషన్‌ (డీఎంఈ)గా పదోన్నతి పొందిన డాక్టర్‌ వాణి, ప్రస్తుతం కేజీహెచ్‌లో సీనియర్‌ ప్రొఫెసర్‌గా, గైనిక్‌ విభాగాధిపతి (హెచ్‌ఓడీ)గా విధులు నిర్వహిస్తున్నారు. ఈ మేరకు వైద్య ఆరోగ్యశాఖ స్పెషల్‌ చీఫ్‌ సెక్రటరీ ఎం.టీ. కృష్ణబాబు ఉత్తర్వులు జారీ చేశారు. ఇప్పటి వరకు కేజీహెచ్‌ సూపరింటెండెంట్‌గా పనిచేసిన డాక్టర్‌ పి. శివానంద్‌ 16 నెలల పాటు ఈ పదవిలో ఉన్నారు.

ఆశ్రమ పాఠశాలలో

ప్రవేశాలకు దరఖాస్తులు

అచ్యుతాపురం రూరల్‌: స్థానిక ఇంటిగ్రేటెడ్‌ ఆశ్రమ పాఠశాలలో ఒకటి నుంచి ఇంటర్మీడియట్‌ వరకు ప్రవేశాలకు దరఖాస్తులు కోరుతున్నట్లు నిర్వాహకులు ఆదివారం ఒక ప్రకటనలో తెలిపారు. దివ్యాంగులు, అనాథలు, నిరుపేదలకు ఒకటి నుంచి పదో తరగతి వరకూ ఉచితంగా విద్య, వసతి సౌకర్యం కల్పిస్తున్నామన్నారు. ఇంటర్‌లో ప్రవేశాలకు దరఖాస్తు చేసుకోవాలన్నారు. మరిన్ని వివరాలకు 9989719158, 7032054123 నంబర్లను సంప్రదించాలన్నారు.